QR Ulttyq kitaphanasynda «Sahara sandýǵashy» kitabynyń tanystyrylymy ótti, dep habarlaıdy aqshamnews.kz.
Basylym qazaq radıosynyń belgili dıktory, Qazaqstan mádenıetiniń damýyna eleýli úles qosqan kórnekti tulǵa Saýyq Jaqanovanyń 80 jyldyq mereıtoıyna oraı jaryq kórdi.
Saýyq Jaqanova óziniń kóp jyldyq el mádenıetine sińirgen eńbegi úshin «Qurmet» ordenimen marapattaldy.
Mádenıet jáne aqparat mınıstrliginiń málimetinshe, i-sharaǵa memleket jáne qoǵam qaıratkerleri, shyǵarmashylyq zıaly qaýym ókilderi, radıo jáne televızıa qyzmetkerleri, jýrnalıser, Saýyq Jaqanovanyń týystary men jaqyndary qatysty.
Jıynda Qazaqstannyń mádenıet jáne aqparat mınıstri Aıda Balaevanyń quttyqtaý haty oqyldy.
Sizdiń elimiz úshin sińirgen eńbegińiz qazaq halqynyń tarıhynda altyn áriptermen jazyldy. Radıo, bilim salasyna qosqan úlesińiz orasan zor. Qazaq radıosynyń sandýǵashy atanyp, jarty ǵasyrǵa jýyq efırde úzdiksiz qyzmet etip, tyńdarmandardyń júregine jol taptyńyz.
Dıktorlyq sheberligińiz, efırdegi erekshe únińizben qatar, óngeli ómir jolyńyz urpaqqa úlgi. Jurtshylyq Sizdi óz isiniń maıtalmany ǵana emes, kóptegen shákirt tárbıelegen ulaǵatty ustaz retinde de erekshe qurmet tutady, – delingen hatta.
«Sahara sandýǵashy» kitabynda Saýyq Jaqanovanyń ómir joly, radıo men teledıvızıadaǵy shyǵarmashylyǵy, sondaı-aq oqytýshylyq qyzmeti týraly baıandalady.