Budan buryn qazaq qyzynyń Amerıka qarjysyn basqarýy múmkin ekenin jazǵanbyz.
Qazaqstan týmasy, Kornel ýnıversıtetiniń bank quqyǵy profesory Sáýle Omarovany AQSH Prezıdenti Djo Baıden AQSH-taǵy bank sektorynyń negizi retteýishi - Aqsha aınalymyn baqylaý basqarmasynyń basshysy (Office of the Comptroller of the Currency, OCC) etip taǵaıyndamaq, dep habarlaıdy Almaty-akshamy.kz
Bul týraly jazǵan Bloomberg aqparat agenttiginiń málimetine qaraǵanda, Omarovanyń resmı kandıdatýrasy osy aptada usynylýy múmkin. Eger ol osy qyzmetke bekitilse, 1863 jyly negizi qalanǵan bank retteýishin basqaratyn alǵashqy áıel bolmaq.
OCC - AQSH Qarjy mınıstrliginiń táýelsiz bólimshesi. Retteýshi 1200 trıllıon dollarlyq aktıvteri bar 14 bankti baqylaıdy, bul AQSH-tyń bank júıesiniń barlyq aktıvteriniń úshten ekisin quraıdy.
Sáýle Omarova – Qazaqstannyń týmasy, qarjy sektoryn retteýge jáne qarjy men ekonomıkaǵa mamandandyrylǵan zań profesory jáne Nú-Iork advokattar alqasynyń múshesi.
1989 jyly Máskeý memlekettik ýnıversıtetin, 1999 jyly Wisconsin ýnıversıtetin bitirip, 2001 jyly Northwestern ýnıversıtetiniń zań fakúltetinde zań ǵylymdarynyń doktory atanǵan. Qazir Kornell ýnıversıtetiniń profesory.
Ol Djordj Býshtyń janyndaǵy AQSH Qarjy mınıstrligindegi retteýshi saıasat jónindegi arnaıy keńesshi bolǵan, oǵan deıin bes jyl Davis Polk & Wardwell zań fırmasynda jumys istegen.