Qazaqstandyq kınotýyndylar Ózbekstan tórinde
28 qyrkúıek pen 3 qazan aralyǵynda Tashkentte ótetin «Jibek jolynyń marjany» atty halyqaralyq kınofestıvalde otandyq fılmder kórermenderdi qýantpaq, dep habarlaıdy Almaty-akshamy.kz 24.kz-ke silteme jasap.
Qazaqstandyq delegasıany Azamat Satybaldy, Nurjuman Yqtymbaev, Samal Eslámova syndy tanymal akterler bastap bardy. Olar jas kınematograftarmen kezdesip, sheberlik synyptaryn ótkizedi dep josparlanǵan. «Álemdik kıno kúnderi» aıasynda jurtshylyq nazaryna «Ámire», «Amanat», «Anaǵa aparar jol» syndy otandyq fılmer usynylady. Aıta ketý kerek, halyqaralyq Tashkent kınofestıvali osymen 13-shi ret ótedi.
«Qazaqstandyq kıno jaıly aıtar bolsam, sońǵy ýaqytta bul sala sizderde qatty damydy. Men kóptegen akterlerdi, shyǵarmashylyq top múshelerin tanımyn. Baýyrlas eldegi kınoındýstrıanyń jaqsy damyp kele jatqanyna qýanyshtymyn. Olardyń týyndylary osy kınofestıvalge qatysatyn kóptegen memleketterdiń fılmderinen erekshe bolady dep senemin», - dedi akter Zýhrıtdın Rejametov.