“Kúıeýińdi qaıtarýǵa kómektesemin, jolyńdy ashamyn”:
Almatyda “kúıeýińdi qaıtarýǵa kómektesemin, jolyńdy ashamyn” dep turǵyndardy aldaǵan kóripkel alaıaq ustaldy, dep habarlaıdy almaty-akshamy.kz Polisia.kz. silteme jasap.
Jábirlenýshilerdiń sany kún saıyn artyp keledi. Aldanǵan azamattar alaıaqtyq týraly aryzben polısıaǵa júginýde. Tártip saqshylarynyń aıtýynsha, 25 jastaǵy J. esimdi áıel áleýmettik jelilerde sáýegeılik, joldy ashý týraly habarlandyrýlar ornalastyrdy.
– Klıentter oǵan máselelerin de, aqshalaryn da senip tapsyrǵan. Bir adamnan birneshe seansta jasalǵan “qurbandyq shalý” rásimi úshin “kóripkel” 100 myń teńgege deıin syıaqy alǵan. Sengish adamdardyń aqsha tólep, kúte turýdan basqa amaly qalmady. Biraq jeke ómirlerinde jaqsylyq bolǵan joq. Jedel izdestirý is-sharalary barysynda kúdikti ustaldy. Qazir alaıaqtyqtyń 5 faktisi dáleldendi. Qylmystyq is QR QK-niń 190-baby 3-bólimi 4-tarmaǵy boıynsha tergelýde, – dep habarlady Alataý aýdandyq PB janyndaǵy polısıa bóliminiń bastyǵy Qumarbek Kenshinbaev.
Polısıa bul adamnyń qylmystyq áreketterinen zardap shekken azamattardy
myna telefon nómirleri arqyly habarlasýǵa shaqyrady: 393-40-73; 8-775-000-21-81.