Bir aıdyń ishinde páterlerdi qaıta satý baǵasy 1,8% ósip, sharshy metrine 459 137 teńgeni qurady
Bir jylda (2022 jylǵy sáýir men 2021 jylǵy sáýirdi salystyrǵanda) páterlerdi qaıta satý baǵalary 27,7%, jańa turǵyn úılerdi satý 20,3% ósti, dep habarlaıdy Almaty-akshamy.kz Ulttyq statısıka búrosyna silteme jasap.
Al abattandyrylǵan turǵyn úıdi jalǵa alý tólemi ótken jylǵy tıisti aımen salystyrǵanda 2022 jylǵy sáýirde 22,2% artqan.
Osy rette turǵyn úı baǵasynyń qatarynan besinshi jyl ósip jatqanyn atap ótken jón. Baǵanyń tómendeýi 2016 jyly ǵana boldy, ol kezde jańa turǵyn úı naryqta 3,6%-ǵa arzandady, 2017 jyly qaıta satý naryǵyndaǵy sharshy metrdiń baǵasy 1,6%-ǵa arzandaǵan.
«Bir aıdyń ishinde (2022 jylǵy naýryzǵa qaraǵanda) páterlerdi qaıta satý baǵalary 1,8% ósip, sharshy metrine 459 137 teńgeni qurady. Jańa turǵyn úıdi satý jáne abattandyrylǵan turǵyn úıdi jalǵa alý tólemi aldyńǵy aımen salystyrǵanda sáýirde árqaısysy 0,8%-ǵa joǵarylap, sharshy metrine tıisinshe 412 315 teńge jáne 3 561 teńgeni qurady», - delingen komıtet habarlamasynda.
Aıta keterligi, QR SJRA Ulttyq statısıka búrosy turǵyn úı baǵasy boıynsha monıtorıńti aı saıyn júrgizedi. Baǵa ındeksteri belgilengen eldimekender boıynsha iriktep baıqaý derekteri negizinde qalyptastyrylady. Jańa turǵyn úıler boıynsha aqparat satý boıynsha operasıalar júrgizetin qurylys kompanıalarynan jınalady, bul rette páterdiń bastapqy jáne taza árlengendegi baǵasy eskeriledi. Páterlerdi qaıta satý jáne jalǵa alý boıynsha derekter ınternette, buqaralyq aqparat quraldarynda ornalastyrylatyn habarlandyrýlar negizinde jınalady.