Rahman Alshanovtyń aıtýynsha, halyq aýqymdy saıası ózgeristerge daıyn
Almatyda referendýmǵa qoldaý kórsetý maqsatynda qoǵamdyq shtab qurylady, dep habarlaıdy Almaty-akshamy.kz Almaty.tv-ge silteme jasap.
Rahman Alshanovtyń aıtýynsha, halyq aýqymdy saıası ózgeristerge daıyn. Qoǵam qaıratkerleri bolashaǵymyzdy ózimiz sheshetin kez keldi deıdi. Sondyqtan eldi alda ótetin referendýmǵa jappaı qatysýǵa úndep otyr.
«Bir aıdyń ishinde halyq taldaýǵa kiriser. Tikeleı qatysýy kerek. Erteń saǵat 11-00-de baspasóz konferensıasyn ótkizemiz. Almatydaǵy belsendi, halqymyzǵa eńbegi sińgen azamattar jınalyp shtab quramyz degen oıymyz bar. Halyq bolyp qatysaıyq», – dedi JOO qaýymdastyǵynyń prezıdenti Rahman Alshanov.
Aýyl ákimderin saılaý júıesiniń ózgerýi de demokratıalyq qoǵamǵa aınalýdyń aıǵaǵy boldy deıdi qaıratkerler. Bul júıeni endi oblys pen qala ákimderin saılaýǵa engizý týraly da usynystar aıtylyp jatyr. Saıyp kelgende munyń bári ashyq memleket qurýǵa jol ashady dep sanaıdy el qalaýlylary.
«Jańa Qazaqstan qurýda basty kóterilgen máseleler dep esepteımin. Aldaǵy ýaqytta bizdiń kemel damýymyzǵa, erkin oı-pikirdi ashyq aıtýǵa, halyqpen birge memleket qurýǵa bul ózgeristerdiń basty zor», – dedi Qurmanǵazy atyndaǵy Qazaq ulttyq konservatorıasynyń dosenti, jyrshy Uljan Baıbosynova.