Búgin «AMANAT» Tóraǵasy Erlan Qoshanov beınekonferensıa baılanysy arqyly Konstıtýsıaǵa ózgerister men tolyqtyrýlar engizý jónindegi referendýmdy qoldaý úshin partıanyń respýblıkalyq shtabynyń alǵashqy jıynyn ótkizdi, dep habarlaıdy Almaty-akshamy.kz.
Jıyn barysynda Prezıdenttiń jalpyulttyq referendým ótkizý bastamasyn qoldaý jónindegi «AMANAT» partıasynyń málimdemesin jarıalady.
«Prezıdent Qazaqstan halqyna jarıalaǵan bıylǵy Joldaýynda aýqymdy saıası reformalar usyndy. Bul reformalardyń maqsaty – halyqtyń ál-aýqatyn arttyrý, sýperprezıdenttik basqarý formasynan Parlament pen máslıhattardyń róli kúsheıgen saıası júıege kóshý, demokratıalyq prosester qarqynyn údetý, eldegi birlik pen yntymaqty arttyrý», - delingen málimdemede.
Partıa Tóraǵasy aýqymdy reformalar saılaý, partıalyq jáne sot-quqyqtyq júıesin, aýmaqtyq-terrıtorıalyq qurylymy men memlekettik bıliktiń bóliný prınsıpin túbegeıli ózgertetinin atap ótti. Onyń aıtýynsha, búkilhalyqtyq referendým memlekettiń naqty ózgeristerge bet burǵanyn kórsetip otyr, sondyqtan partıa barlyq kúsh-jigerin konstıtýsıalyq reformany qoǵamdyq qoldaýdy uıymdastyrýǵa baǵyttaýǵa daıyn.
Óz kezeginde, partıanyń Almaty qalalyq shtabynyń ashylýy ótip, onyń quramyna megapolıstegi bedeldi degen 55 amanattyq múshe boldy. Shtab basshysynyń mindeti partıa qalalyq fılıalynyń atqarýshy hatshysy Meıirjan Otynshıevke júkteldi. Onyń aıtýynsha, «Jańa - Ádiletti Qazaqstannyń» damýy úshin referendýmdy ótkizý taǵdyrsheshti qadam.
«Memleket basshysy jarıa etken aldaǵy referendýmda Konstıtýsıaǵa engiziletin ózgeristerdi el jurtshylyǵyna túsindirý maqsatynda «AMANAT» partıasy respýblıkalyq Shtab qurǵan bolatyn. Onyń quramyna bizdiń Almatydan 9 belsendimiz enip otyr. Olardyń qatarynda máslıhat depýtattary J.Abdýmálik, Q.Sársenbaı, M.Grachev, A.Kóbeeva, Á.Nábıev, partıa janyndaǵy saıası keńes pen búro jáne aımaqtyq keńes músheleri T.Balyqbaev, K. Matyjanov, Sh.Jamanbalaeva jáne A.Ernıazova bar. Sondaı-aq, jumysty jandandyrý maqsatyn basa nazarǵa ala otyryp, shtabtyń basqa músheleri ár aýdanda jumys jasaıtyndaı 8 topqa bólýge sheshim qabyldandy»,- dedi qalalyq partıa shtabynyń basshysy Meıirjan Otynshıev.
Jalpy, aqparattyq-túsindirý jumysyna Májilis pen qalalyq máslıhattaǵy fraksıa depýtattary, zıaly qaýym ókilderi, mádenıet pen sport qaıratkerleri jáne partıanyń jastar qanaty belsendi atsalysatyn bolady. Jıyn sońynda shtabtyń jumysyn joǵary deńgeıde uıymdastyrýǵa qatysty birqatar naqty tapsyrma berildi.
Esterińizge salsaq, Memleket basshysy 5 maýsymda respýblıkalyq referendýmdy ótkizý týraly Jarlyqqa qol qoıǵan.
Aqparattyq materıal «Respýblıkalyq referendým jónindegi» QR Zańynyń 7 baby 2 tarmaǵy boıynsha «AMANAT» partıasy qoǵamdyq birlestiginiń Almaty qalalyq fılıalynyń tapsyrysymen shyqty, jaýapty tulǵa M. B. Otynshıev.