Belgili ımam Nurlan Baıjigituly oraza ustaǵan adam sáresine uıyqtap qalsa ne isteýi keregin túsindirdi
Belgili ımam Nurlan Baıjigituly oraza ustaǵan adam sáresine uıyqtap qalsa ne isteýi kerektigin aıtty, dep habarlaıdy almaty-akshamy.kz.
«Sáresine uıyqtap qaldyńyz, ýaqyty shyǵyp ketipti: keshe jasaǵan nıetińizdi búgin qaıtadan aıtyńyz. Sý ishýdiń qajeti joq. Ýaqyty kirse jalǵastyra beresiz. Eger ýaqyty kirmeı, sanaýly mınýttar qalsa nıetińizdi aıtyp, sýmen bekitip qoısańyz bolady. Kóp adam sýmen bekitilip, sýmen ashylady dep oılaıdy eken. Joq, oraza ýaqytymen ashylyp, ýaqytymen jabylady. Sáresi tamaq ishpeı, keshke deıin júrgennen keıin adamnyń asqazany tartylyp qalyp, sol kezde jumsaqtap tátti nárse jep nemese sý ishý - densaýlyqqa paıdaly», - deıdi ımam.