Jańa áleýmettik joba: Almatyda jáne Qazaqstannyń basqa qalalarynda stýdentter kásibı mánerlep syrǵanaýǵa úıretedi
Almatydan kelgen ókil «Arý-Ana» respýblıkalyq baıqaýynyń laýreaty atandy. Almaty boıynsha «Áıelder kúshteriniń alánsynyń» tóraıymy Álıa Ahmedjanova Azamattyq sanany damytý salasyndaǵy úzdik joba"nomınasıasynyń jeńimpazdary qataryna endi, dep habarlaıdy almaty-akshamy.kz
Baıqaý búkil Qazaqstan boıynsha eń úzdik áıelder jobalaryn tańdaý maqsatynda ekinshi jyl qatarynan ótip keledi. Ár aımaq óńirdiń kez-kelgen salasynan bir áleýmettik mańyzdy jobany usynady. Basty krıterıı-bul joba azamattyq qoǵamnyń damýyna úles qosýy tıis. Bıylǵy jyly ár óńirden 17 jobanyń ishinen altaýy ár túrli nomınasıalar boıynsha tańdaldy, al jeńimpazdarǵa marapatty memleket Basshysy Qasym-Jomart Toqaev tapsyrdy.
Respýblıkalyq konkýrsqa qatyspas buryn Álıa Ahmedjanovanyń «Students on ice» jobasyn Almaty qalasynyń «Arý Ana» úzdik áleýmettik jobany irikteý jónindegi jumys toby tańdady.
«Students on ice» jobasynyń maqsaty-mánerlep syrǵanaýdan sport sheberine úmitkerlerdi tarta otyryp, barlyq nıet bildirgen stýdentterdi nólden bastap kásibı mánerlep syrǵanaýǵa úıretý. Al jarty jyldyq oqýdan keıin jastar mánerlep syrǵanaý boıynsha jarystarǵa qatysa alady, bul rette daıyndalǵan nómirlerde kórermenderge áleýmettik-mańyzdy problemalar kórsetiledi. Osylaısha, joba áleýmettik máselelerdi sheshýge shyǵarmashylyq kózqarasty qarastyrady. Bul rette jobany iske asyrý úshin barlyq qarajat demeýshiler esebinen, qandaı da bir memlekettik qoldaýsyz tartylady.
«Joba aıasynda jastar eńbek naryǵynda suranysqa ıe biliktilik pen daǵdylardy ala alady, al jattyǵýlardyń arqasynda salaýatty ómir saltyn ustana bastaıdy. Osylaısha, joba sportty halyq arasynda nasıhattaýǵa jáne qoǵamǵa paıda ákelýge kómektesedi. Sondaı - aq, bul jastarǵa kedeılik pen áleýmettik oqshaýlaný sıaqty qylmysqa ákep soqtyratyn jaǵymsyz saldardan aýlaq bolýǵa kómektesedi», - dep atap ótti Álıa Ahmedjanova.
Eske salsaq, «Students on ice» jobasy 2023 jyly Almatyda sátti júzege asqan bolatyn. Mánerlep syrǵanaýshylardyń qorytyndy jarystary «SOI: Almaty jastary taza aýa úshin» uranymen ótti jáne ekologıaǵa arnaldy, bul rette olardy ótkizýge kásibı ekologtar óz úlesterin qosty. Nátıjesinde, muz shoýynyń bıletterin satýdan túsken qarajattyń bir bóligi Almatyǵa qosylǵan shet aýdandar turǵyndarynyń áleýmettik osal toptary sanatyndaǵy jeke sektordy gazdandyrýǵa jumsaldy.
2024 jyly jobanyń aýqymyn keńeıtý josparlanýda, ıaǵnı joba Qazaqstannyń Astana, Túrkistan, Semeı qalalarynda qolǵa alynady. Al keıingi jyldary muz arenalary bar basqa qalalar da qamtylatyn bolady.