«Kitap Fest» kitap festıvali ‒ bul jyl saıyn elimizdegi iri megapolıste kitap súıer qaýymdy bir mezette qaýyshtyratyn almatylyqtardyń ómirindegi aıtýly mádenı-buqaralyq shara. 2014 jyldan beri ótkizilip kele jatqan joba bıyl óziniń 10 jyldyq mereıtoıyn atap ótkeli jatyr. Bıylǵy festıvál jyldaǵydaı qala kúnine oraılastyrylǵan!
«Kitap Fest» ‒ Qazaqstandaǵy alǵashqy jáne búgingi kúnge deıin eń iri kitap dýmany sanalady. 10 jyl ishinde festıválge 70-ten astam baspalar men kitap dúkenderi qatysyp, belgili qazaqstandyq avtorlar men baspalardyń qatysýymen 500-ge jýyq kitap tanystyryldy.
Bıylǵy jyly «Kitap Fest Almaty» baǵdarlamasy erekshe. Festıvál eki kún qatarynan ótedi. Taqyryby da zamanaýı «Keleshek kitaby».
Eki kún boıy kelýshilerdi aýqymdy mádenı baǵdarlama, qazaqstandyq jazýshylarmen jáne tanymal tulǵalarmen kezdesý, kitap almasý, kóptegen jańa kitaptardyń tusaýkeseri, kitaptar kórmesi, sheberlik synyptary, baıqaýlar, óleń oqý, balalarǵa arnalǵan tanymdyq baǵdarlama, munymen qosa otandyq baspagerler men kitap dúkenderiniń qatysýymen ótetin úlken kitap jármeńkesi kútedi.
Sonymen qatar, festıválde dástúrli «Aýylǵa kitap» aksıasy ótedi, onda kez kelgen adam kitapty Qazaqstannyń aýyldyq kitaphanalaryna tapsyra alady.
KitapFest Almaty 2024 aıasynda:
• «Jazýshylar shatyry». Jańa kitaptardyń tusaýkeseri, avtorlar men jazýshylarmen suhbat.
• «Qazaq qalamgerleri». Qazaq tildi jazýshylardyń otandyq ádebıettiń damýy týraly baıandamalary.
• «ZHAS ALASH» shatyry. Qazirgi qoǵamnyń jas kóshbasshylary kitap oqýdyń paıdasy týraly pikir aıtyp, súıikti shyǵarmalarymen bólisedi.
• «Kitap FEST WOMEN» shatyry. Ár túrli salada jetistikke jetken áıelderdiń dáristeri men tabysqa jetýdiń qupıalary jáne t. b.
• Kitap jármeńkesi. 60 jetekshi baspa men kitap dúkenderi óz kitap ónimderin 40% - ǵa deıingi jeńildikpen usynady.
• Sırek kitaptar kórmesi. Qazaqstannyń Ulttyq akademıalyq kitaphanasymen birlesip uıymdastyrylǵan kitaptar kórmesi.
• Illústratorlar kórmesi. Úzdik 35 ıllústratordyń jumysy usynylady.
• «Oqyrman ulttyń urpaǵymyz» kórmesi. Mereıtoılary atap ótiletin tulǵalardyń muraǵattyq fotosýretterinen fotokollaj
• Elshilikter kórmesi - robototehnıka boıynsha sheberlik synyptary, speaking club.
• «Kitap almasý». Óz sóreńizdi ártúrli janrdaǵy qyzyqty kitaptarmen tolyqtyrýdyń biregeı múmkindigi.
• Jyr terapıasy- Jas aqyndardyń óneri, poezıa keshi
• Zıatkerlik oıyndar – 3 suraqqa jaýap ber de, syılyq utyp al!
• Balalarǵa arnalǵan oıyn-saýyq. (Anımatorlar, sheberlik synyptary, bet boıaýy, táttiler, túrli baıqaýlar).
• Utys oıyndary-1 mln teńgege 100-den astam kitap sertıfıkattary oınatylady.
• «Aýylǵa kitap» aksıasy- Festıvál aıasynda barlyq jınalǵan kitap aýyldyq mektepterge jiberiledi.
Ótetin kúni men ýaqyty: 14-15 qyrkúıek (eki kún qatarynan), 10.00-18.00. (kirý tegin)
Ótetin orny: Almaty qalasy, Arbat alańy
Uıymdastyrýshylar: «BAURZHAN foundation» qory Almaty qalasy ákimdiginiń mádenıet basqarmasynyń jáne Almaty qalasynyń ortalyqtandyrylǵan kitaphana júıesiniń qoldaýymen.
Anyqtama: BAURZHAN Foundation qory áleýmettik jobalardy júzege asyrýmen aınalysady. KITAP FEST festıvaliniń maqsaty-óskeleń urpaqtyń kitapqa degen qyzyǵýshylyǵyn arttyrý, oqyrman mádenıetin damytý, jazýshylar men olardyń oqyrmandary úshin biryńǵaı alań qurý.