Elordada ótip jatqan Búkilarmıalyq keńestiń otyrysynda Memleket basshysy Qasym-Jomart Toqaev sarbazdardy áleýmettik qoldaý sharalaryn meılinshe kóbeıtý qajet ekenin eskertti, dep habarlaıdy Almaty-akshamy.kz.
«Áskerı qyzmette «áleýmettik lıfttiń» bolýy mańyzdy. Sol arqyly jastardyń qoǵamnan óz ornyn tabýǵa múmkindik berýimiz kerek. Qazir osy baǵytta naqty jumys jasalyp jatyr. Áskerı boryshyn ótep kelgen azamattar endi joǵary oqý ornyna jeńildikpen túsedi. Merzimdi áskerı qyzmettegi sarbazdar nesıesin tóleý mindetinen ýaqytsha bosatylady. Sondaı-aq olar ózderi qalasa, armıa qatarynan naqty mamandyq alyp shyǵady. Jalpy, sarbazdardy áleýmettik qoldaý sharalaryn meılinshe kóbeıtý qajet. Áskerde júrgen jastarymyz naǵyz sarbaz, naǵyz maman bolyp shyǵýy – mindet. Olar óskeleń urpaqqa úlgi-ónege bolýǵa tıis. Áskerı qyzmetshilerge jaqsy jalaqy tólenýi kerek. Úkimet Kúshtik qurylymdarǵa eńbekaqy tóleýdiń biryńǵaı júıesine kóshken kezde osyny eskerýge tıis», - dedi Memleket basshysy.