«Samruq-Qazyna» ál-aýqat qory aldaǵy 7 jylda kóshbasshy áıelder úlesin arttyrmaq.
Bul týraly qor tóraǵasy Nurlan Jaqypov málimdedi, dep habarlaıdy Almaty-akshamy.kz Qazaqstan.tv-ǵa silteme jasap.
Onyń aıtýynsha, holdıńte búginde 75 myń qyz-kelinshek jumys istese, onyń 15 paıyzy ǵana joǵary laýazymǵa ıe. Qor genderlik teńdik saıasatyn qoldaı otyryp, áıelder úshin kóshbasshylyq qasıetterdi damytýǵa jáne tájirıbe almasýǵa arnalǵan joba ázirledi. Baǵdarlamaǵa 142 qyz-kelinshek ótinish bildirip, onyń 71-i sátti aıaqtaǵan. Endi olar qordyń basqarma qyzmetine baqylaý júrgizýge atsalysady.
«Qoǵamnyń ár salasynda qyz-kelinshekterdiń sany artyp jatqany barlyǵymyzǵa málim. Bizdiń qoǵamda áıel-ananyń orny qurmetpen baǵalanady. Áıel aralasqan qaı iste de bereke bar», - deıdi QR Prezıdenti ákimshiligi basshysynyń orynbasary Aıda Balaeva.