Jumysshy jóndeý kezinde jaraqat alyp, sonyń kesirinen kóz jumǵan.
Qaraǵandy oblysyndaǵy «Saran» shahtasynyń 43 jastaǵy kenshisi qurylǵyny montajdaý kezinde aýyr jaraqat alyp, saldarynan qaıtys bolǵan, dep habarlaıdy Almaty-akshamy.kz «Qarmet»-tiń baspasóz qyzmetine silteme jasap.
Qaıǵyly oqıǵa 12 naýryz kúni túnde kompanıanyń kómir departamentine qarasty "Saran" shahtasynda montajdaý jumysynyń arnaıy jabdyqty jóndeý kezinde bolǵan. 1980 jyly týǵan taý-ken jumysshysy jaraqat alyp, sonyń saldarynan kóz jumdy.
"Jumys ZY7200-13/30 seksıasyn qurastyrý jáne montajdaý jónindegi jobasyna sáıkes boldy, ol kezde qaýipsizdik tehnıkasy boıynsha mindetti nusqaý berilgen. Bolǵan jazataıym oqıǵanyń sebebin anyqtaý úshin arnaıy komısıa jumys júrgizedi. Aldyn ala málimetter boıynsha, jabdyqty bekitý bolty úzilip ketken", - dep málimdedi kompanıanyń baspasóz qyzmeti.
"Qarmet" AQ ókilderi marqumnyń týystary men jaqyndaryna kóńil aıtady.