Úkimet otyrysynda Premer-mınıstr Oljas Bektenov Ekologıa jáne tabıǵı resýrstar mınıstri Erlan Nysanbaevtyń málimetine kúmán keltirdi, dep habarlaıdy Almaty-akshamy.kz.
«Meniń suraǵym bar. Maǵan aldyn ala berilgen aqparatqa sáıkes, 35 jańa zaýyt salynady dep edi, al siz baıandamańyzda 37 jańa zaýyt salynady dep aıttyńyz. Taǵy 2 zaýyt qaıdan qosyldy»? - dep surady Premer-mınıstr Nysanbaevtan.
Ekologıa jáne tabıǵı resýrstar mınıstri Erlan Nysanbaev taǵy eki zaýyttyń Astana qalasynan qosylyp otyrǵanyn aıtty.
«Taǵy ekeýi Astana qalasynan qosyldy. Keshirim suraımyn, keshe baıandamaǵa qosty. Ótken aptada prezentasıaǵa aldyn ala berip qoıǵanbyz», - dedi Ekologıa mınıstri.
Premer-mınıstr Oljas Bektenov "37 joba bul iske qosylatyn naqty jobalar ma?" dep suraǵyn naqtylady.
«Siz tapsyrma bergennen keıin osy jobalardyń bárin kúndelikti ár ákimdikten jaýapty ákimniń orynbasary men óńirdegi basqarmalardyń qyzmetkerlerimen birlese otyryp, ár jobany qarady. Olardy iske asyrýǵa deńgeıi joǵary», - dep jaýap berdi Ekologıa jáne tabıǵı resýrstar mınıstri.