"Saqtandyrý tólemderine kepildik berý qorynyń" resmı saıtynda saqtandyrý ónimderine arnalǵan onlaın-anyqtamalyq iske qosyldy, dep habarlaıdy aqshamnews.kz
Bul qural azamattarǵa jáne kásipkerlerge óz qajettilikterine saı saqtandyrý sheshimin qabyldaýǵa múmkindik berip, naryqty zertteýge ketetin ýaqyt pen resýrsty edáýir qysqartýǵa baǵyttalǵan onlaın-platforma.
Onlaın-anyqtamalyq - bul Qazaqstanda usynylatyn saqtandyrý synyptary men ónimderi boıynsha qurylymdalǵan aqparat kózin biriktiretin onlaın-platforma. Onda árbir saqtandyrý túri qysqasha sıpattamamen berilip, tikeleı saqtandyrý kompanıalarynyń saıttaryna ótýge múmkindik qarastyrylǵan.
Qordyń habarlaýynsha, joba tutynýshylardyń qarjylyq saýattylyǵyn arttyrýǵa jáne saqtandyrý salasyndaǵy qyzmetterdiń ashyqtyǵyn qamtamasyz etýge baǵyttalǵan.
"Biz paıdalanýshy úshin barynsha túsinikti jáne senimdi aqparattyq orta qalyptastyrýdy kózdeımiz. Anyqtamalyq - bul tańdaý erkindigi men deldalsyz ózara is-qımylǵa múmkindik beretin qural", - delingen Qordyń resmı málimdemesinde.
Anyqtamalyq tek jeke tulǵalarǵa ǵana emes, sonymen qatar shaǵyn jáne orta bıznes ókilderiniń múddesi jaıly eskerdi. Qarjylyq táýekelderge beıim kásipkerlik sýbektileri endi naryqtaǵy saqtandyrý ónimderin saraptap, tıimdi sheshimdi tez qabyldaýǵa múmkindik alady. Bul ásirese ýaqyt pen resýrsty ońtaıly paıdalanýdy kózdeıtin kásip ıeleri úshin ózekti.
Anyqtamalyqtyń basty artyqshylyqtary:
• Bir tereze qaǵıdaty boıynsha shoǵyrlanǵan aqparat;
• Naqty jáne jańartylatyn derekkózder;
• Ýaqyt únemdeý jáne operasıalyq tıimdilik;
• Saqtandyrý kelisimderin tikeleı rásimdeýge múmkindik.
Paıdalanýshylar Anyqtamalyqty Kordyń resmı saıtynan taba alady:
Jańa sıfrlyq bastama - qarjylyq mádenıetti qalyptastyrý jolynda
Saqtandyrý salasyndaǵy bul bastama - tutynýshylardyń senimin arttyrýǵa jáne qarjylyq sektordaǵy aqparattyq alshaqtyqty qysqartýǵa baǵyttalǵan júıeli qadam. Joba damýdyń kelesi kezeńinde jańa fýnksıalarmen jáne qosymsha derekkózdermen tolyqtyrylady.
Anyqtamalyq - bul saqtandyrý qyzmetterine qoljetimdilikti arttyratyn, qarjylyq sheshim qabyldaýdy jeńildetetin tıimdi navıgator.