«Azamattarǵa arnalǵan úkimet» memlekettik korporasıasynyń Almaty qalalyq fılıaly júrgizýshi kýáligin qalpyna keltirý úshin mamandandyrylǵan halyqqa qyzmet kórsetý ortalyǵyna (arnaıy HQKO) habarlasý kerek ekenin, onda ótinish berýshi belgilengen nysan boıynsha ótinish toltyrýy qajet ekenin atap ótti, dep habarlaıdy aqshamnews.kz
Jeke kýálik pen 1,25 AEK (2025 jylǵa 4921 teńge) memlekettik bajdy tólegeni týraly túbirtekti ala barasyz.
Júrgizýshi kýáliginiń telnusqasy 90 mınýt ishinde jasalyp, eski kýálik avtomatty túrde jaramsyz dep tanylatyny kórsetilgen.
073/ý nysanyndaǵy medısınalyq anyqtama lısenzıanyń qoldanylý merzimi ótip ketken jaǵdaıda ǵana usynylady. Bul jaǵdaıda medısınalyq tekserý nátıjeleri avtomatty túrde aqparattyq júıege engiziletindikten, ony qaǵaz túrinde ákelýdiń qajeti joq. Sondaı-aq júıke-psıhıatrıalyq jáne narkomanıa dıspanserleriniń anyqtamalaryn usyný qajet emes.
Fılıal júrgizýshi kýáligin joǵaltqan, jaramdylyq merzimi ótken, jeke derekterin ózgertken, qujaty búlingen nemese jańa júrgizýshi sanaty qosylǵan jaǵdaıda jańa júrgizýshi kýáligin alýǵa ótinish berýge bolatynyn eske saldy.
Bul rette mamandar aýystyrýdy sońǵy kúnge qaldyrmaı, ótinishti jaramdylyq merziminen 1-2 aı buryn tapsyrýdy usynady.