Ol mal sharýashylyǵymen aınalysatyn halyqtan shyqqan
Reseı Ǵylym akademıasyna qarasty Materıaldyq mádenıet tarıhy ınstıtýtynyń ǵalymdary saq qyzynda D dárýmeni jetispeýshiligi bolǵanyn málimdedi, dep habarlaıdy Almaty-akshamy.kz.
Ǵalymdardyń málimetinshe, skıf qyzy kóne temir dáýirinde ómir súrgen. Zertteýshiler balanyń mýmıalanǵan qaldyqtaryn mıkrofokýsty rentgenografıanyń kómegimen zerttep shyqqan. Bastapqyda qańqa súıek jasóspirim ul balaǵa tıesili dep sanalǵan, óıtkeni onyń janynan jebesi bar sadaq pen pyshaq tabylǵan. DNK taldamasy men bas súıeginiń sýretteri bul jeti jastaǵy qyz bala ekenin kórsetipti. Ol mal sharýashylyǵymen aınalysatyn halyqtan shyqqan ári qol eńbegin jasap, atqa erte jastan otyrǵan.
Sondaı-aq ǵalymdar súıekti zertteı kele bala óler aldynda syrqattanyp, ashtyq kórgenin anyqtapty. Oǵan qosa rahıt aýrýynyń belgileri anyqtalǵan, D dárýmeni jetispeýshiliginen súıekterdiń synǵyshtyǵy men deformasıasy joǵarylaǵan. Qyz negizinen ósimdik taǵamdaryn jep, et pen sútti tutynbaǵan. Alaıda, taǵamnyń jetispeýshiligi onyń kedeı otbasydan shyqqanyn bildirmeıdi, deıdi ǵalymdar, bul onyń jasyna nemese jynysyna baılanysty bolýy múmkin.