QR Prezıdentiniń Jarlyǵymen Almaty qalasy TJD órt sóndirýshisi marapattaldy
Janyp jatqan úıden 29 jastaǵy er adamdy qutqarý kezinde kórsetken erligi men kásibıligi úshin Almaty qalasy TJD qyzmetkeri órt sóndirýshi-qutqarýshy Nursultan Ábdikárimovti Respýblıka saraıynda saltanatty túrde QR Parlamenti Senatynyń tóraǵasy Máýlen Áshimbaev Qazaqstan Respýblıkasynyń Qurmet gramotasymen marapattady, dep habarlaıdy Almaty-akshamy.kz.
05 mamyr kúni túngi saǵat 02: 05-te Almaty TJD 101 púltine Jetisý aýdanyndaǵy Jangeldın kóshesi, 91 meken-jaıyndaǵy órt týraly habarlama kelip tústi. Órt ornyna dereý №8 órt sóndirý bóliminiń kúshteri men quraldary jiberildi, jumyldyrylǵan órt sóndirýshi-qutqarýshylardyń biri Nursultan bolǵan. Oqıǵa ornyna 02:13de jetkende, sharýashylyq qurylystarynyń qyzyl jalynmen janyp turǵany, órt jeke turǵyn úıge taralyp úlgergen. Terezelerden qara qalyń tútin men ot jalyny laýlap turdy. Kýágerlerdiń aıtýynsha, otqa oranǵan jeke turǵyn úıdiń ishinde adamdardyń qalýy múmkin bolatynyanyqtaldy. Órt sóndirý basshysynyń komandasy boıynsha quramynda Nursultan da bar adamdarǵa barlaý júrgizý jáne qutqarý jumystaryn júrgizý úshin gaz-tútinnen qorǵaý qyzmetiniń býyny quryldy.
Úlken qaýipke qaramastan, Abdýkarımov Nursultan joǵary temperatýra men esh kórinisi joq jaǵdaıynda áreket ete otyryp, gaz-tútinnen qorǵaý qyzmeti býynynyń quramynda qalǵan adamdardy izdeý úshin turǵyn úıge kirdi.
Zardap shekkenderdi izdeý jumystaryn júrgizýdi, tóbeniń opyrylyp qulaýy qıyndatty.
Osynyń bárine qaramastan, azamattyq qorǵaý kishi serjanty, Ábdikárimov adamdardy izdeýdi jalǵastyrdy. Kenetten aıaq astynan bir qozǵalys sezip, Nursultan gaz tútinnen qorǵaý býyny quramynda janyp jatqan jáne tútindelgen úı-jaıdan zardap shekken adamdy shuǵyl evakýasıalaýdy bastady.
Osylaısha, Abdýkarımov Nursultan Jumabaıulynyń erligi, batyldyǵy men durys is-áreketiniń arqasynda 1992 jyly týǵan E. azamat qutqaryldy, sondaı-aq órttiń odan ári taralýyna jol berilgen joq, órtti tez 30 mınýt ishinde oqshaýlanyp, joıyldy. Qazaqstan Respýblıkasy Prezıdentiniń 2021 jylǵy 2 jeltoqsandaǵy Jarlyǵymen kórsetken erligi úshin jáne Qazaqstan Respýblıkasy Táýelsizdiginiń 30 jyldyǵyn merekeleýge baılanysty Abdýkarımov Nursultan Qazaqstan Respýblıkasynyń Qurmet gramotasymen marapattaldy.