Órt kezinde 120 adam evakýasıalanǵan
11 jeltoqsanda saǵat 23:58-de Almaly aýdany, Brýsılov kóshesi boıyndaǵy «Altyn bulaq-2» turǵyn úı kesheni órtke orandy, dep habarlaıdy Almaty-akshamy.kz.
Órt sóndirýshiler kelgen sátte «Altyn bulaq-2» turǵyn úı kesheniniń 6-7 qabatyndaǵy eki blok, sondaı-aq 17-18-shi qabat janyp jatqan.
Almaty qalasynyń Tótenshe jaǵdaılar departamenti órtenip jatqan turǵyn úı kesheninen adamdar evakýasıalanyp, keıin órt tolyqtaı sóndirilgenin habarlady.
«Tilsiz jaýdy aýyzdyqtaýǵa 70-ten astam qyzmetker men 18 tehnıka jumyldyryldy. Evakýasıa júrgizildi. Sol jerde turǵan jeke kólikterdiń kóp bolýy órt sóndirý tehnıkasyna kedergi bolǵanyna qaramastan, órt baspaldaqtary qoıyldy, adamdardy qutqarý jáne evakýasıalaý úshin AKTP-54 avtomatty teleskoptyq topsaly kótergish paıdalanyldy», - dep habarlady vedomstvodan.
Oqıǵa ornynda jedel shtab qurylyp, gaz-tútinnen qorǵaý qyzmetiniń bólimsheleri shyǵys jáne batys jaǵynda ornalastyrylǵan. Órtti sóndirý kezinde 120-dan astam adam evakýasıalanyp, 20 adam qutqarylǵan.
Vedomstvonyń baspasóz qyzmeti órttiń 01:10-da oqshaýlanǵanyn málim etti.