Sankt-Peterbýrgte Qazaqstan Respýblıkasynyń Mádenıet jáne aqparat mınıstri Aıda Balaeva men shyǵarmashylyq zıaly qaýymnyń kezdesýi ótti, dep habarlaıdy almaty-akshamy.kz
Sankt-Peterbýrg qalasynda 16-18 qarashada aralyǵyna josparlanǵan IX Halyqaralyq mádenı forým ótip jatyr. Onda 70-ten astam eldiń delegasıasy mádenıet pen óner salasyndaǵy ózara is-qımyldyń ózekti máselelerin talqylaıdy.
Forým aıasynda QR Mádenıet jáne aqparat mınıstri Aıda Balaeva ómiri men shyǵarmashylyǵy Qazaqstanmen tikeleı baılanysty qazaqstandyq jáne reseılik mádenıet jáne óner qaıratkerlerimen kezdesý ótkizdi.
Sharaǵa mýzykanttar, ánshiler, rejıserler, akterlar, ádebıet qaıratkerleri, músinshiler men sýretshiler qatysty.
Jıyn basynda A.Balaeva ánshi Álıa Kıkenovaǵa «Shapaǵat» medalin tabys etti.
«Men úshin bul joǵary marapatty alý óte mańyzdy. Men árqashan jáne barlyq jerde qazaq mádenıetin nasıhattaýǵa tyrysamyn. bul maǵan jumysty jalǵastyrýǵa yntalandyrý», - dedi A.Kıkenova.
Kezdesý barysynda mádenıetti damytý, mamandardyń biliktiligin arttyrý jáne mádenıet qaıratkerlerin qoldaý máseleleri talqylandy.
Mádenıet qaıratkerleri Qazaqstan Respýblıkasy Mádenıet mınıstrligimen túrli formattaǵy yntymaqtastyq perspektıvalaryna úlken qyzyǵýshylyq tanytty.
Kezdesý barysynda A.Balaeva Reseıde turaqty turatyn qandastarymyzdyń qazaq qalalarynyń sahnalarynda óner kórsetýine jáne olardyń shyǵarmalaryn qazaq oqyrmandary men óner janashyrlarynyń arasynda keńinen nasıhattaýǵa múmkindik týǵyzýǵa kómektesýge daıyn ekenin jetkizdi.
Ol sýretshiler men músinshilerdiń sheberlik sabaqtaryn, semınarlaryn, kórmelerin ótkizý jobalaryna erekshe kóńil bóldi.