Bostandyq aýdanynda turǵyndardyń ótinishi boıynsha júzege asyrylǵan nysandarǵa arnalǵan baspasóz týry ótti. İs-sharaǵa Bostandyq aýdanynyń ákimi Sanjar Alın qatysyp, jýrnalıserdi kórkeıtý jumystarynyń nátıjelerimen tanystyrdy, dep habarlaıdy aqshamnews.kz
Baspasóz týry barysynda qala ınfraqurylymyn jaqsartý boıynsha aýqymdy jumystar júrgizilgen bes negizgi nysanǵa bardy:
Alǵashqy nysan Orbıta-4 shaǵyn aýdanyndaǵy (№6 jáne №7 úıler arasyndaǵy) jaıaý júrginshiler aımaǵy boldy. Munda kespe tas tóseý, asfált jáne rezeńke jabyn salý, gabıondar ornatý, kóshe jaryqtandyrý júıesi men pergolalardy ornatý, trenajer, vorkaýt jáne balalar alańdaryn salý, sondaı-aq avtosýarý júıesi men baqsha qorshaýlaryn ornatyp, kógaldandyrý jumystary júrgizildi.
Jergilikti turǵyndar jańa alańdy kórkeıtkeni úshin alǵys bildirdi. «Bastama kótergen turǵyndarǵa kóp raqmet. Bul bizdiń sońǵy jobamyz emes, jumys jalǵasady, kórkeıtý úshin aýmaqtardy izdep jatyrmyz», – dedi Bostandyq aýdanynyń ákimi Sanjar Alın.
Ekinshi joba Orbıta-3 shaǵyn aýdanyndaǵy 52-úıdiń janyndaǵy jaıaý júrginshiler aımaǵy edi. Munda kespe tas, geotekstıl jáne asfált jabyndary tóseldi, kósheniń jaryqtandyrý júıesi men pergolalar ornatyldy, balalar alańy men oryndyqtar qoıyldy.
Týrǵa qatysýshylar Jandosov kóshesi, 34a mekenjaıyndaǵy balalar alańyna da at basyn burdy.
Bul jerde fýtbol alańy jańartylyp, strıtbol alańy salyndy, eki pergola, trenajer, vorkaýt jáne balalar alańy ornatyldy. Asfált jabyny aýystyrylyp, alty oryndyq pen alty qoqys jáshigi qoıyldy.
Sondaı-aq, turǵyndar shahmat ústeli men 250 metrlik kógal qorshaýy úshin erekshe rızashylyq bildirdi.
Kelesi núkte ál-Farabı dańǵyly men Jarokov kóshesiniń qıylysyndaǵy tehnıkalyq trotýarlardy kórkeıtý edi.
Tehnıkalyq trotýarlar magıstraldy kóshelerde ornalasyp, jerdiń syrǵyp ketýine jol bermeıdi jáne qardy sapaly tazartýǵa kómektesedi. Sondaı-aq, bul trotýarlar sý burý máselesin sheship, nóser jaýyn kezinde trotýarlardyń sý basýyna jol bermeıdi. Almatynyń qubylmaly klımatynda bul asa mańyzdy.
Baspasóz týrynyń sońǵy aıaldamasy Abaı dańǵylynyń boıyndaǵy (Turǵyt Ozal men Muqanov kósheleriniń aralyǵy) bólingen jasyl aımaqty kórkeıtý jumystary júrgizilgen nysan boldy.
Aýmaǵy 5,2 ga bolatyn bul aımaqta sońǵy ret kórkeıtý jumystary 15 jyl buryn júrgizilgen.
Bul jerde 120 jaryq baǵanyn jańartý, 110 oryndyq pen qoqys jáshigin aýystyrý, 7020 m asfált jabyndysyn alyp tastap, 8000 m² kespe tas tóseý, 10 shaqyrymdyq sýarý júıesin salý, jasyl jelekterdi sanıtarlyq maqsatta kesý jáne kógaldandyrý (1000 m qyna aǵash, 2500 gúldeıtin buta, 41 000 m² kógal) sıaqty aýqymdy jumystar júrgizildi.
«Bul jobalar turǵyndardyń usynysy men ıdeıasynyń arqasynda júzege asty. Biz aýdanymyzdaǵy ómir sapasyn jaqsartý baǵytyndaǵy jumysty jalǵastyra beremiz», – dedi Bostandyq aýdanynyń ákimi Sanjar Alın.
Almatyda qalalyq ınfraqurylymdy jaqsartýǵa baǵyttalǵan jobalar qarqyndy túrde damyp keledi. Bul úderiste «Halyq qatysatyn búdjet» baǵdarlamasy mańyzdy ról atqarady. Onyń kómegimen ár turǵyn aýdanyn jaqsartý jumystaryna tikeleı qatysa alady. Bul óz kezeginde qalany ómir súrýge qolaıly ári jaıly etedi.
