Almaty ákimdigi jas fýtbolshynyń ıdeıasyn shyndyqqa aınaldyrdy
Qyrkúıek aıynyń basynda Almaly aýdanynyń 12 jastaǵy turǵyny Sandjar Muhametqalıev Almaly aýdanynyń Instagram paraqshasynda jazba qaldyrdy. Onda bala ózine jáne dostaryna fýtbol alańyn jasaýǵa kómektesýdi ótingen edi, dep habarlaıdy almaty-akshamy.kz
«Bizdiń aýlada fýtbol alańy joq. Balalarmen birge úıimizden alys basqa aýlalarǵa barýymyz kerek. Bul óte yńǵaısyz jáne ata – analarymyz alańdaıdy», - dep jazdy Sandjar.
Sodan keıin jas sportshy kómek surap qana qoımaı, máseleni sheshý úshin jolyn bildirdi.
«Bizdiń aýlada fýtbol alańyna oryn joq, biraq basketbol alańy bar. Munda basketbol oınaıtyndar az, biraq fýtbolshylar kóp. Múmkin, bul alańdy fýtbolǵa beıimdegen jón shyǵar. Eger siz kelseńiz, men bárin kórsetemin!»-, dep óz usynysyn aıtty.
Aýdan ákimi Aıdar Jaqybaev osy aýlada boldy. Basketbol alańy bar, bala usynǵan ıdeıa qolaıly boldy. Talqylaýdan keıin Sandjar dostarymen basketbol ǵana emes, fýtbol da oınaı alatyndaı etip alańdy qaıta jasaqtaý týraly sheshim qabyldandy. Sonyń arqasynda Sandjar endi tek basketbol ǵana emes, fýtbol da oınaı alady.
Alań bir aı ishinde qaıta jasaldy. Qaqpany ornatty jáne nyǵaıtty. Alań jabyndysy jańardy. Fýtbolshylar da, basketbolshylar da jattyǵý úshin qaqpanyń ústine basketbol saqınasy ornatyldy. Jas sportshylar men olardyń ata-analary nátıjege rıza.