Almatynyń arnaıy ekonomıkalyq aımaǵyna 50 mlrd teńgeden astam ınvestısıa tartyldy
Alataý shaǵyn aýdanyndaǵy «Inovasıalyq tehnologıalar parki» arnaıy ekonomıkalyq aımaǵy qurylǵan sátten bastap 6 727 jumys ornyn quryldy, 50,69 mlrd.teńge ınvestısıa tartyldy, 34,7 mlrd. Teńgeniń salyq jáne búdjetke tólenetin basqa da tólemder tólendi, 493,7 mlrd. teńgeniń ónimi óndirilip, qyzmetter kórsetildi, eksport kólemi 7,46 mlrd. teńgege jetti, dep habarlaıdy almaty-akshamy.kz silteme jasap https://t.me/almaty_akimat/19495
Búginde «ITP» AEA rezıdentteri 160 kompanıa, onyń ishinde baǵdarlamalyq qamtamasyz etýdi ázirleý salasyndaǵy 105 kompanıa («Kolesa Group», «Azimut Labs», «PayBox», «Lıchnaıa Kasa» jáne t.b.) qyzmetin «eksaýmaqtyq» qaǵıdaty boıynsha júzege asyrady, 55 kompanıa («Kaspi Cloud», «Eltex Alatau», «Nero Lab», «Asaq», «Prima Group», «Almaty Enterprising Company» jáne t.b.) «ITP» AEA aýmaǵynda ornalasqan.
2023 jyly «ITP» AEA-ǵa 15 mlrd. teńge kóleminde ınvestısıa tartylyp, 1200 jumys orny ashylyp, 39 kompanıa jańa qatysýshy retinde qabyldandy, jobalardy iske asyrý úshin aýdany 15 ga 7 jer telimi bólindi.
«ITP» AEA Almaty qalasynyń Medeý aýdanynda 163 ga aýmaqta ornalasqan. Memleket barlyq ınjenerlik-kommýnaldyq ınfraqurylymnyń, sonymen qatar, birinshi kezektegi ǵımarattardyń, ákimshilik ǵımarattyń qurylysyn júzege asyrdy. «ITP» AEA qatysýshylaryna salyq jáne kedendik júktemeni tómendetýde túrli artyqshylyqtar men jeńildikter beriledi.
«ITP» AEA aýmaǵyndaǵy negizgi basym qyzmet túrleri IT, telekomýnıkasıa jáne baılanys, elektronıka, jańartylatyn energıa kózderi, resýrstardy únemdeý jáne tabıǵatty tıimdi paıdalaný, sonymen birge, 2020 jyldan bastap farmasevtıka jáne medısınalyq buıymdar kirdi.