Memleket basshysyna oblys ákimi áleýmettik nysandar salý máselesine arnaıy toqtaldy, dep habarlaıdy almaty-akshamy.kz.
2023-2025 jyldary 8,8 myń oryndyq 16 jańa mektep salý josparlanǵan, sonyń ishinde 6600 oryndyq 7 oqý ordasy «Jaıly mektep» ulttyq jobasy aıasynda salynady jáne 1800 oryndyq 2 mekteptiń qurylysy bıyl bastalǵan.
Densaýlyq saqtaý salasy boıynsha 8 nysannyń qurylysy júrgizilip jatyr. Jergilikti búdjet esebinen 21 blokty-modýldi keshen salynǵan. «Aýyldyq densaýlyq saqtaýdy jańǵyrtý» ulttyq jobasy aıasynda 2025 jylǵa deıin taǵy 59 nysan salý josparlanǵan.
Al mádenıet salasynda 5 nysannyń qurylysy júrgizilip, taǵy 8 nysan kúrdeli jóndeýden ótkizilip jatyr.
Bıyl oblysta 14 sport nysany salynyp jatqany jóninde aıtty. Sonymen birge jergilikti búdjet esebinen 3 blokty-modýldy keshen salynady. Al demeýshiler esebinen Taldyqorǵan qalasynda jyl boıy jumys isteıtin «Jetysu Arena» jabyq sport kesheni iske qosylǵan. Bul keshenge 867 mıllıon teńge ınvestısıa salynǵan.J
Jetisý oblysyndaǵy avtomobıl joldarynyń jalpy uzyndyǵy – 3 988 shaqyrym. Bıyl oblystyq mańyzy bar 221 shaqyrym jol men 73 eldi mekendegi 249 shaqyrym aýylishilik joldardy salý jáne qaıta jańartý jumystary júrgizilýde.
Qasym-Jomart Toqaev oblystyń damý qarqynyn oń baǵalap, osy baǵyttaǵy jumystardy odan ári jalǵastyrýdy tapsyrdy.