Ortalyq qazaqstandyq ǵalymdardyń sheteldik áriptestermen ózara is-qımyly sheńberinde aqparat almasýǵa jetekshilik jasaıdy.
«Samuryq-Qazyna» AQ «Center for Scientific and Technological Initiatives Ltd.» - Ǵylymı-tehnologıalyq bastamalar ortalyǵyn qurdy, dep habarlaıdy Almaty-akshamy.kz Egemen.kz silteme jasap.
2022 jylǵy sáýirde «Astana» halyqaralyq qarjy ortalyǵynda jańa uıym tirkeldi. Ortalyqtyń mindeti – ǵylymı-zertteý jáne tájirıbelik-konstrýktorlyq jumystar (ǴZTKJ) arqyly kompanıalardyń ósýi men damýynyń turaqty tetigin qurýdy qamtamasyz etý, ıaǵnı aktıvterdiń kiristiligin arttyrý jáne eńbek ónimdiliginiń artýyn yntalandyrý bolyp tabylady.
Memleket basshysynyń ǴZTKJ men ınovasıalarǵa arnalǵan qarajatty paıdalanýdyń tıimdiligi men ashyqtyǵyn arttyrý jónindegi tapsyrmasyn oryndaý úshin «Samuryq-Qazyna» AQ jer qoınaýyn paıdalanýshy portfeldik kompanıalarynyń qarajatyn jáne ǴZTKJ qyzmetin ǵylymı ortalyqqa shoǵyrlandyrý týraly sheshim qabyldandy.
ǴZTKJ-ny bir ortalyqqa shoǵyrlandyrý ǵylymı qoǵamdastyq sheshe alatyn máselelerdiń «marketpleısi» tásilin iske asyrýǵa múmkindik beredi. Ǵylymı-ınnovasıalyq jobalardy oryndaýshylar otandyq ǴZI, ýnıversıtetter, ǵylymı ortalyqtar men tehnologıalyq kompanıalar arasynda ashyq konkýrstar negizinde tańdalady. Jobalardy komersıalandyrý jáne jańa óndirister men jumys oryndaryn ashý da ǴZTKJ men ınovasıalyq qyzmet tıimdiligi kórsetkishteriniń biri bolýy tıis.
Ortalyq qazaqstandyq ǵalymdardyń sheteldik áriptestermen ózara is-qımyly sheńberinde aqparat almasýǵa jetekshilik jasaıdy. Sondaı-aq otandyq ǵylymdy qoldaý jáne zamanaýı tehnologıalardy retteý boıynsha zańnamalyq bastamalar jasaı otyryp, QR Úkimetimen tyǵyz baılanysta bolady.
Osy jylǵa josparlanǵan birinshi kezektegi jobalarynyń qatarynda:
- Kesek kúkirtten aýyl sharýashylyǵyna qajetti fýngısıdter - munaı óndirý kezinde janama ónim óndirýdi zertteý;
- Quramynda sýteginiń mólsheri kóp gaz beretin qabatqa sý nemese aýa bermeı, qońyr kómirdi jerasty gazdandyrý ádisin ónerkásiptik synaý;
- Joǵarǵy Qaıraqty ken ornynda shoǵyrly siltisizdendirý ádisimen vólfram óndirý múmkindigin zertteý;
- Ýran óndirýge arnalǵan jańa jabdyqty jasaý, uńǵymalardy zertteýge arnalǵan analıtıkalyq quraldardy jasaý;
- Teplovozdardy magıstraldi t/j jelilerindegi dızeldiń ornyna suıytylǵan tabıǵı gaz aýystyrý.