İshki ister mınıstri Marat Ahmetjanov samokattardyń júrisine qatysty pikir bildirdi, dep habarlaıdy Almaty-akshamy.kz  Azattyq Ruhý-na silteme jasap.

«Jol qozǵalysyndaǵy jaıaý júrginshiler men moped pen samokat júrgizýshileriniń qaýipsizdigi úshin normatıvtik aktiler qabyldanyp jatyr. Qazaqstannyń ınfraqurylymy velosıped jolaǵyna 500 shaqyrym ǵana berýge arnalǵan. Sondyqtan da samokattardy joldyń oń jolaǵymen 18-ge tolǵan, júrgizýshi kýáligi bar, qorǵaý shlemi bar júrgizýshiler aıdaı alady. Qalǵan jerlerde, mysaly, trotýarda júretin bolsa, basymdyq jaıaý jolaýshylarǵa beriledi. Bıyl 1 qańtardan bastap samokat júrgizýshileriniń qatysýymen 44 oqıǵa tirkeldi. Byltyr 1 adam qaıtys boldy. Osyndaı statısıka bar», - dedi İshki ister mınıstri.

Mınıstr zań jobasyn depýtattar usynyp otyrǵanyn aıtty.

«Zań qabyldansyn. Sosyn ony usynǵan bir top depýtat ol týraly tolyq málimet beredi», - dedi ol.

Májilistiń jalpy otyrysynda «Qazaqstan Respýblıkasynyń keıbir zańnamalyq aktilerine jol júrisin uıymdastyrý máseleleri boıynsha ózgerister men tolyqtyrýlar engizý týraly» Qazaqstan Respýblıkasy zańynyń jobasy qaralyp jatyr.