Altyn quımalardyń jalpy salmaǵy 1,434 keli.
Shymkentte altyn quımalary kontrabandasynyń joly kesildi, dep habarlaıdy Almaty-akshamy.kz Azattyq Rýhy-na silteme jasap.
2023 jylǵy 4 mamyrda Astana ýaqyty boıynsha saǵat 18:10 shamasynda «Áýejaı-SHymkent» keden beketiniń mamandary Shymkent-Stambýl halyqaralyq áýe reısine qatysty kedendik baqylaýdy júrgizý kezinde QR UQK Shekara qyzmeti «Shymkent» shekaralyq baqylaý bólimshesiniń (avıasıalyq) qyzmetkerlerimen birlese, Shymkent qalasy áýejaıynyń avıasıalyq qaýipsizdik qyzmetiniń kómegimen Qazaqstan Respýblıkasynan zańsyz qymbat metaldy áketýdiń joly kesildi. Osyǵan qatysy bar Qazaqstan azamaty ustaldy.
1,434 keli tartatyn altyn quımalardyń QR UB resmı baǵamy boıynsha aldyn ala quny 41 148 000 teńgeni quraıdy.
Eýrazıalyq ekonomıkalyq komısıa Alqasynyń 2015 jylǵy 21 sáýirdegi № 30 sheshimine sáıkes quramynda baǵaly metaldar bar baǵaly metaldar men shıkizat taýarlaryna qatysty EAEO kedendik aýmaǵyna taýarlardy ákelýdiń jáne EAEO kedendik aýmaǵynan áketýdiń ruqsat berý tártibi qoldanylady.
Osy quqyqbuzýshylyq Qazaqstan Respýblıkasy Qylmystyq kodeksiniń 234-babynyń 1-bóligi boıynsha (ekonomıkalyq kontrabanda, atap aıtqanda Eýrazıalyq ekonomıkalyq odaqtyń kedendik shekarasy arqyly iri mólsherde taýarlardy nemese ózge de zattardy, onyń ishinde kedendik shekara arqyly ótkizýge tyıym salynǵan nemese shektelgen taýarlardy, zattar men qundylyqtardy ótkizý) ATK (KÝI) tirkeldi.
Osy fakt boıynsha materıaldar QR QMA Shymkent qalasy boıynsha Ekonomıkalyq tergeý departamentine joldandy.