Shara janýarlar quqyǵyn qorǵaýǵa arnalǵan.
Almaty ákimdigi janýarlar quqyǵyn qorǵaý maqsatynda beıbit mıtıń ótkizýge ruqsat berdi, dep habarlaıdy Almaty-akshamy.kz
"KARE-Zabota" janýarlardy qorǵaý qorynyń aqparatyna sáıkes, 14 mamyrda "Sary-Arqa" kınoteatry artyndaǵy alańda beıbit jıyn ótedi.
"Mıtıń ótkizýge ruqsat berilip, qalalyq ákimdikpen kelisilgen. Beıbit jıynnyń maqsaty – myna máseleler boıynsha qoǵamdyq pikir bildirý:
- jergilikti atqarýshy organdardyń janýarlarǵa jaýapkershilikpen qaraý týraly zań talaptaryn oryndamaýy jáne sabotaj jasaýy;
- "Ustaý-sterılızasıa-vaksınasıa-qaıtarý" baǵdarlamasyn oryndamaý;
- janýarlardy óltirýdiń tıimsizdigi, eger negizgi sebepter joıylmasa, atap aıtqanda: úı janýarlaryn jaýapsyz ustaý jáne ósirý;
- NQA boıynsha resmı jumys;
- janýarlarǵa jaýapkershilikpen qaraý týraly zańnamanyń tıisinshe oryndalýyna qoǵamdyq baqylaý salasyndaǵy óz ókiletin júzege asyrý boıynsha qoǵamdyq ınspektorlar jumysyna kedergiler;
- İİM tarapynan janýarlarǵa qatygezdik kórsetý derekterine tıisti reaksıanyń bolmaýy;
- ıt tistep alǵany týraly senimsiz derekter; bilim berý uıymdarynda, buqaralyq aqparat quraldarynda (teledıdar/radıo/aqparattyq resmı saıttar), bılbordtar men plakattarda tanystyrý baǵdarlamalaryn ótkizýge qoıylatyn talaptar", - dedi uıymdastyrýshylar jáne eriktiler.
Mıtıńke úı janýarlaryn alyp barýǵa bolady, biraq, jańa serýendeý erejelerine sáıkes, ıtterge tumyldyryq kıgizilýi kerek.
Qala ákimdiginiń baspasóz qyzmeti bul mıtıńige jergilikti bılik kelisim men ruqsat bergenin rastady.