Qazaqstan Respýblıkasy Premer-Mınıstriniń orynbasary – Qarjy mınıstri E.Jamaýbaev jańa Salyq kodeksiniń jobasy boıynsha keńes ótkizdi.
Memleket basshysynyń tapsyrmasyn oryndaý aıasynda zań jobasynda salyqtyq ákimshilendirýge basa nazar aýdarý josparlanyp otyr. Qazynalyq organdar men salyq tóleýshiler arasyndaǵy ózara is-qımyldyń jańa servıstik modelin engizý qarastyrylyp otyr, dep habarlaıdy almaty-akshamy.kz. Eseptilik qysqartylyp, salyqtyq baqylaý jeńildetilip, barlyq proses sıfrlandyrylmaq.
Elde túsinikti jáne boljaýǵa bolatyn qazynalyq saıasatty qalyptastyrý úshin barlyq jańa tásil men josparlanǵan ózgeris salyq saıasatynyń tıisti tujyrymdamasynda kórinis tabatyn bolady. Kodekstiń ózin Qoldanysqa engizý týraly jeke zańsyz qabyldaý usynylady.
Ekonomıka sektorlaryna baılanysty saralanǵan salyq mólsherlemelerin engizý boıynsha zań jobasynyń tujyrymdamalyq máselelerin pysyqtaý jalǵasýda. Mundaı ózgeristerdiń qajettiligin QR Prezıdenti Qazaqstan halqyna Joldaýynda, sondaı-aq basqa da baıandamalarynda birneshe ret atap ótken bolatyn.
Sóz sońynda E.Jamaýbaev Ulttyq ekonomıka mınıstrligine múddeli memlekettik organdarmen jáne «Atameken» Ulttyq kásipkerler palatasymen birlesip, Salyq kodeksi jobasynyń máselelerin odan ári zerdeleýdi tapsyrdy.