Bul jerde Kemel shaǵyn aýdanyndaǵy aýysymyna 200 adam qabyldaıtyn otbasylyq-dárigerlik ambýlatorıa týraly sóz bolyp otyr, ony qarashanyń sońyna deıin ashý josparlaryp otyr. Áleýmettik ınfraqurylymnyń damýy týraly Jetisý aýdanynyń ákimi Gúlnar Kókebaeva aıtyp berdi, dep habarlaıdy almaty-akshamy.kz
Sonymen qatar, aýdan turǵyndarynyń medısınalyq qyzmetterge qadamdyq qoljetimdiligin qamtamasyz etý úshin aýdan ákimdigi emhanalardy ornalastyrý úshin 3 ǵımarat satyp aldy.
G. Kókebaevanyń aıtýynsha, qadamdyq qol jetimdilikti arttyrý jáne halyqqa sapaly medısınalyq kómek kórsetýge Almatynyń barlyq jergilikti atqarýshy organdary basymdyq berip otyr. Sondyqtan halyqtyń jyl saıynǵy ósimin eskere otyryp, emhanalyq jelini damytý boıynsha jumystar júrgizilýde.
«Kemel shaǵyn aýdanyndaǵy emhanaǵa arnalǵan jabdyq satyp alyndy, medısına qyzmetkerleriniń shtaty quryldy. Sonymen qatar, aýdan turǵyndarynyń medısınalyq qyzmetterge qadamdyq qoljetimdiligin qamtamasyz etý úshin aýdan ákimdigi Omarov kóshesi boıynsha 300 kelýshige jáne Núsipbekov kóshesi boıynsha 200 kelýshige 3 emhana ǵımaratyn satyp aldy. Sondaı - aq, Jumysshy kentinde aýysymda 240 kelýshige arnalǵan emhana ǵımaraty da satyp alyndy», - dep atap ótti Jetisý aýdanynyń ákimi.
Omarov pen Núsipbekov kóshelerindegi bolashaq emhanalarda kúrdeli jóndeýdi merdiger uıym júrgizetin bolady. Ǵımarattardy jóndeý osy aıda bastalady, al nysandar 2024 jyldyń maýsymynda ashylady dep josparlanýda.
Jumysshy kentindegi ǵımarat Raıymbek dańǵylynyń boıynda ornalasqan, onda jóndeý jumystary aıaqtalyp, ınjenerlik jeliler qosylǵan. Búgingi tańda jıhaz, keńse tehnıkasy, kompúterler, medısınalyq jabdyqtar (rentgen, últradybystyq, mammografıa) satyp alý boıynsha memlekettik satyp alý rásimderi júrgizilýde. Osylaısha, aǵymdaǵy jyldyń jeltoqsan aıynda Jetisý aýdanynda emhana ashý josparlanyp otyr.