MKK Salyqtyq ákimshilendirý kezinde jasandy ıntellektti qoldanýdyń halyqaralyq tájirbıesi zerttelýde
QR QM Memlekettik kirister komıteti Memleket basshysynyń 2024 jylǵy 7 aqpandaǵy QR Úkimetiniń keńeıtilgen otyrysynda bergen tapsyrmasyn oryndaý úshin salyqtyq ákimshilendirýde jasandy ıntellekt tehnologıalaryn engizý bóligi boıynsha jumys júrgizýde, dep habarlaıdy aqshamnews.kz.
Elektrondyq shot-faktýralar, kedendik deklarasıalar sıaqty úlken derekqorlarda jasandy ıntellektti qoldaný máselesi qarastyrylýda. QM MKK-niń qyzmetkerleri "salyq salý maqsatynda jasandy ıntellekt" halyqaralyq vebınaryna qatysty. Eýropa ishindegi salyq ákimshilikteriniń uıymy (IOTA) uıymdastyrǵan bul kezdesýge IOTA-ǵa múshe elderdiń salyq qyzmetterinen 260 qatysýshy qatysty.
IOTA-nyń negizgi qyzmeti múshe elderge salyqtyq ákimshilendirýdiń praktıkalyq aspektilerine qatysty tájirıbeler men ozyq tájirıbelermen almasý úshin platformasyn usynýǵa baǵyttalǵan. Vebınarda Ulybrıtanıa, Gresıa, Vengrıa salyq qyzmetteriniń baıandamalary tanystyryldy. Óz baıandamasynda sóz sóıleýshiler salyqtyq ákimshilendirýde jasandy ıntellektti qoldaný tájirıbesimen jáne ony engizý kezindegi problemalarmen bólisti.
Qazirgi ýaqytta álemniń salyq ákimshilikteri salyq salýda jasandy ıntellektti engizý máselesin zertteýdiń bastapqy kezeńinde tur. Sarapshylar kúndelikti monıtorıńti aýystyrý turǵysynan jasandy ıntellektti qoldaný perspektıvasy bar dep sanaıdy.
Anyqtama: IOTA (Intra-European Organisation of Tax Administrations) - Eýropaishilik salyq ákimshilikteriniń uıymy 44 eldiń salyq qyzmetteri múshe bolyp tabylatyn, salyqtyq yntymaqtastyq salasyndaǵy mańyzdy halyqaralyq uıym bolyp tabylady. Qazaqstan Respýblıkasy 2012 jyldan bastap osy uıymnyń tolyqqandy múshesi bolyp tabylady.