«Fortune Partners» konsaltıńtik kompanıasynyń dırektory Dana Toqmýrzına Qazaqstanda josparlanyp otyrǵan salyq reformasyn ýaqytyly ári qajetti bastama dep baǵalaıdy.
Sarapshynyń aıtýynsha, memleket áleýmettik baǵyttaǵy el retinde qalǵysy kelse, kiris bóligin durys qalyptastyrýy kerek. Bul rette salyqtyq moraldy engizý jáne salyq júktemesiniń ádil bólinýi mańyzdy ról atqarady.
«Salyq júktemesiniń koefısıenti salyq tóleýshilerdi yntalandyrý quralyna aınalýy kerek. Onyń ornyna, memleket salyqtyq tekserýlerdi shekteýi qajet. Salyq tóleý – bul bizdiń ortaq mindetimiz. Ony adal oryndaǵan jaǵdaıda, memleketten reformalar men áleýmettik qoldaýlardy kútýge quqyǵymyz bar», – deıdi Dana Toqmýrzına.
Sarapshy ádil salyq júıesi men azamattardy yntalandyrý tetikterin qurý arqyly eldiń ekonomıkalyq turaqtylyǵyn nyǵaıtýǵa bolatynyn atap ótti.