Búgin Senatta mádenıet, bilim berý jáne tálimgerlik máseleleri týraly zań qaraldy.
Zańnamaǵa jetim jáne ata-anasynyń qamqorlyǵynsyz qalǵan balalarǵa arnalǵan tálimgerlik ınstıtýtyn retteý úshin «tálimgerlik jónindegi uıym» uǵymy engiziledi, dep habarlaıdy aqshamnews.kz.
Senat spıkeri Máýlen Áshimbaev zańda daryndy oqýshylardy memlekettik qoldaý jáne olardyń ǵylymı qyzmetin yntalandyrý úshin halyqaralyq ǵylymı jobalar konkýrstarynyń jeńimpazdary men júldegerlerine konkýrstan tys memlekettik bilim granttaryn berý jónindegi norma da bar ekenin atap ótti.
«Bolashaq» baǵdarlamasyna bakalavrıat dárejesin qaıtarý týraly sheshim qabyldandy. Sonymen qatar halyqaralyq olımpıadalar men konkýrstarda jeńiske jetken daryndy oqýshylarǵa «Bolashaq» baǵdarlamasy arqyly úzdik sheteldik joǵary oqý oryndarynda bilim alý múmkindigi qarastyryldy. Maquldanǵan zań tálimgerlik ınstıtýtynyń áleýetin nyǵaıtýǵa jáne tilimizdi damytý, bilim berý júıesin jetildirý jónindegi memlekettik saıasattyń tıimdiligin arttyrýǵa oń yqpalyn tıgizedi dep senemiz», dedi Máýlen Áshimbaev.