Qarjylyq monıtorıń agenttigi zańsyz berilgen nesıe sqemalaryn anyqtaý boıynsha jumys júrgizip jatqanyn málimdedi. Almaty qalasy boıynsha departamenti 6 mıkroqarjy uıymynyń zańsyz áreketterin áshkereledi, dep habarlaıdy aqshamnews.kz.
Atap aıtqanda, Creditum MQU, Sofi Finance MQU, Hava Finance MQU, SF Offline MQU, POS Credit MQU jáne «Sálem Kredıt» MQU basshylyǵyna qatysty alaıaqtyq jáne zańsyz kásipkerlik qyzmet boıynsha tergeý amaldary júrgizilýde.
Bul mıkroqarjy uıymdary tólemderi keshiktirilgen qaryz alýshylardy «KOKE.KZ», «TENGO.KZ», «HAVA.KZ» platformalary arqyly seriktes kompanıalarmen kepildik sharttaryn jasaýǵa májbúrlegen. Bul jaǵdaıda kepil berýshiniń jaýapkershiligi tek qaryz alýshy qaıtys bolǵan kezde ǵana kúshine engen. Qaryz alýshylardan bastapqy nesıe somasynan birneshe ese kóp tólemder alynǵan, bul azamattardy qaryzǵa batyrýǵa ákep soqqan.
Mysaly, bir qaryz alýshy Sh. 120 myń teńge nesıe alyp, negizgi qaryz ben paıyzdardy qospaǵanda tek kepildik úshin 446 myń teńge tólegen.
Tergeý amaldary jalǵasýda. Eger siz osy sıaqty zańsyz faktiler týraly aqparat bilseńiz, «AFM Insider» telegram-botyna (@afm_insider_bot) habarlasa alasyz. Qarjylyq monıtorıń agenttigi anonımdilikke kepildik beretinin málimdedi.