Turǵyndar arasynda salaýatty ómir saltynyń tanymaldyǵy tómen.
Qala turǵyndarynyń 34%-y ǵana dene shynyqtyrýmen aınalysady, dep habarlaıdy Almaty-akshamy.kz
Onyń ústine 65 myń sharshy metrdeı sporttyq-rekreasıalyq ınfraqurylym jetispeıdi.
Dene shynyqtyrýmen jáne sportpen aınalysatyn turǵyndardy qamtýdy 2025 jylǵa qaraı 40%-ke, 2030 jylǵa qaraı 50%-ke kóbeıtý maqsat etildi.
2025 jylǵa deıin:
Fýtbol, basketbol, voleıbol, hokeı boıynsha mektep jáne stýdentter klýbtaryn, lıgalaryn qurý
Jylyna keminde 35 iri halyqaralyq deńgeıdegi buqaralyq is – sharalar - marafondar, velojarystar, trıatlondar, chempıonattar ótkizý
Memlekettik jáne jeke qarajat esebinen strıt-sportty belsendi damytý: saıabaq aımaqtarynda júgirýge arnalǵan keminde 30 km jol, strıtbol, skeıtbordıng, BMX jáne Open Air fıtnes úshin keminde 16 alań salý
Keminde 6 dene shynyqtyrý-saýyqtyrý keshenin salý (jalpy aýdany 30 myń sharshy metrden astam), erekshe qajettilikteri bar adamdar úshin beıimdeı otyryp, jumys istep turǵan sport obektilerin jańǵyrtý.
2030 jylǵa deıin:
Ortalyq stadıondy halyqaralyq standarttar boıynsha 45 myń oryndyqqa deıin ulǵaıta otyryp jańǵyrtý.
Jańa polıortalyqtarda keminde 10 qosymsha dene shynyqtyrý-saýyqtyrý keshenin salý (árqaısysynyń aýdany 5 myń sharshy metrden joǵary)
Jeńil atletıka manejin salý kózdelip otyr.
«Sport - densaýlyq kepili». Sondyqtan osy sala týraly óz pikirińizdi 1 shildege deıin tómendegi silteme arqyly «Almaty qalasyn damytý ortalyǵy» AQ saıtynda qaldyryńyz.