Memleket azamattaryna 18 qujat ózge sıfrlyq platformalarda qoljetimdi.
Qazaqstan Úkimeti memleket azamattary arasynda sıfrlyq servısterge degen suranys artyp otyrǵanyn aıtady, dep habarlaıdy Almaty-akshamy.kz.
«Búginde elektrondy qyzmetter sany boıynsha, oń ózgeristi baıqap otyrmyz. Sonymen qatar EGov Mobile mobıldik qosymshasynda da elektrondy qyzmetterdi paıdalaný eki esege ósken. Budan bólek, sıfrlyq servıster azamattar arasynda keń suranysqa ıe. Máselen, sıfrlyq qujattar osy jyldyń 5 aıynda 6 mln-nan astam valıdasıalaǵanyn atap ótken jón. Jalpy, bul memorogandar men mekemelerdiń sıfrlyq qujattardy keńinen qoldanýyn aıǵaqtaıdy», - dedi Sıfrlyq damý, ınovasıalar jáne aeroǵarysh ónerkásibi mınıstri Baǵdat Mýsın Úkimet otyrysynda.
Vedomstvo basshysynyń aıtýynsha, qazir azamattarǵa 18 qujat ózge sıfrlyq platformalarda qoljetimdi. Osy jyldyń sońyna deıin eń tanymal 20 memlekettik qyzmetti syrtqy platformalarǵa shyǵarý josparlanǵan.
«Sondaı-aq SMS arqyly zańsyz tirkelý máselesin sheshtik. Baılanys ortalyǵynyń kútý ýaqytyn 5 mınýttan 20 sekýndqa deıin qysqarttyq. Azamattardy qujattandyrý boıynsha adamı faktorsyz usynylatyn, jańa perspektıvalyq jobany iske asyrýdamyz. Eger búgingi tańda ortasha eseppen 20-30 mınýt ketse, termınaldardy ornatqan soń, proses 5-10 mınýtqa deıin qysqarady», - dedi Baǵdat Mýsın.
Aıta ketsek, «Vıdeo HQO» jobasy azamattarǵa keńes alýdan bólek, SON-ǵa júginbeı-aq qyzmetti qashyqtan alýǵa múmkindik beredi. Osy tásil arqyly 13 qyzmet qoljetimdi, al jyl sońyna deıin 63 qyzmetke deıin ósedi. «Osyǵan oraı, memorgandarmen birlesip, 2025 jylǵa deıin azamattarǵa konsýltasıa jáne qyzmet kórsetýdi osy «Vıdeo HQO» tásili arqyly usynýdy josparlap otyrmyz», - dedi Sıfrlyq damý mınıstri.