Mohamed Salah «Lıverpýl» tarıhyndaǵy eń úzdik surmergen atandy.
Mysyrlyq Mohamed Salah aǵylshyndyq «Lıverpýl» tarıhynda eń surmergen oıynshy atandy, dep habarlaıdy Almaty-akshamy.kz QazAqparatqa silteme jasap.
Shampionat.com saıtynan alynǵan málimetke qaraǵanda, M.Salah Anglıa Premer-lıgasynyń 26-týrynda «Manchester Iýnaıted» klýbymen machta qos goldyń avtory atandy.
Osylaısha, mysyrlyq shabýylshy Anglıa chempıonatyndaǵy 128-inshi jáne 129-golyn soǵyp, ataqty fýtbolshy Robbı Faýlerdi basyp ozdy.
Atalmysh oıynda Salahtan basqa Kodı Gakpo men Darvın Nýnes eki-ekiden gol soqsa, Roberto Fırmıno mach núktesin qoıdy. Sóıtip, germanıalyq maman Iýrgen Kloptyń shákirtteri 7:0 esebimen jeńiske jetti.
Anglıa birinshiliginde londondyq «Arsenal» 63 upaımen kósh bastasa, «Manchester Sıtı» (58 upaı) ekinshi, «Manchester Iýnaıted» (49) úshinshi orynda. «Lıverpýl» 42 upaı jınap, besinshi satyǵa kóterildi.