Beınebaqylaý júıesi tergeýdiń ruqsat etilmegen ádisterin boldyrmaýǵa kómektesedi.
Budan bylaı polısıa ǵımarattary, tergeý ızolátorlar men túrmelerde beınebaqylaý júıesi ornatylýy qajet, dep habarlaıdy Almaty-akshamy.kz bas prokýratýraǵa silteme jasap.
"Beınebaqylaý júıeleri jeke gıgıena oryndaryn qospaǵanda, kelýshilerdiń júrý marshrýttary men rejımdik kabınetterdi de qamtıdy. Naqty ýaqyt rejıminde beınejazbalardy qashyqtan qaraýǵa jáne buzýshylyqtardyń jolyn kesý jóninde jedel sharalar qabyldaýǵa quqyǵy bar adamdardyń tizbesi qalyptastyryldy", - delingen resmı habarlamada.
Bul sharalar azaptaýǵa qarsy halyqaralyq aktilerge sáıkes keledi. Oǵan Qazaqstan da qosylǵan. Beınebaqylaý júıesi tergeýdiń ruqsat etilmegen ádisterin boldyrmaýǵa kómektesedi.
Beınejazbalardy advokattar, jábirlenýshiler, kúdiktiler, aıyptalýshylar, sot jáne basqa organdar dálel retinde paıdalana alady. Al organ basshylary beınebaqylaý júıeleriniń jaramdylyq jaı-kúıin qamtamasyz etýge jáne beıne arhıvtiń saqtalýyna tikeleı jaýapty bolady.