Sońǵy kezderi din taqyrybynda ártúrli kózqarastar qalyptasty. Árıne, memleket ishinde din máselesine qatysty túrli kózqarastyń bolýy múmkin emes.
Osy turǵydan alǵanda aldaǵy kúnderi Parlament qabyrǵasynda dinge qatysty zańdy talqylaýlar júredi dep kútilýde,-dep habarlaıdy Almaty-akshamy.kz.
Kelesi aptada Qazaqstan bıligi eldegi ıslam fýndamentalızmi men revanshızmi boıynsha jabyq konsýltasıalar ótkize bastamaq. Ol másele Qaýipsizdik keńesine shyqpasa da, Parlament palatalarynyń spıkerleri, keńes músheleri, kúshtik qurylym basshylary ózara jańa sheshimge keletin bolady.
Májilis pen Senat spıkerlerine saqaldylardyń sońǵy qylyqtary múlde unamaı otyr. Oǵan qosa Májilis depýtattarynyń óz arasynda salafızmdi astyrtyn qoldaý áreketteri baıqalyp qalǵan. Ázirge lústrasıa týraly áńgime qozǵalǵan joq. Biraq latentti salafıt depýtattar qaryndashqa ilindi.
Memlekettiń keri reaksıasyna sońǵy ýaqytta sheteldegi emıssarlarynan tapsyrma alǵan salafıtterdiń jer-jerlerde uıymdasyp, eldegi bilim júıesine, ulttyq dástúrge, aspaptarǵa "haram, shırk" dep qarsy kóterilgeni sebep boldy. Eger saqaldylar "oramal" mıtıńine shyǵatyn bolsa, polısıaǵa óte batyl qımyldaýǵa tolyq kart-blansh berilgen.
Bolashaqta salafızmdi Qazaqstannan birjolata ketirý boıynsha keshendi strategıa qabyldaý ıdeıalary aıtyla bastady, dep jazdy dalainside telegramm kanaly.