19-kyrkúıekte Almatyda «Sábı oqýlary» jobasy aıasynda alǵashqy kitap sóresi tabystalady.
Bul jobaǵa «Sábı» qory tamasha kitap sóresin jasatyp berse, al Steppe&World baspa úıi 800-den astam kitapty tegin berip otyr, dep habarlaıdy Almaty-akshamy.kz.
«Sábı oqýlary» jobasynyń negizgi maqsaty - jastar, ásirese áleýmettik osal toptaǵy balalar arasynda kitap oqý mádenıetin qalyptastyrý. Aldaǵy ýaqytta bul joba qazaq tilindegi balalar ádebıetin halyqqa keńinen tanytý, ilgeriletý baǵytynda jumys isteıdi.
Balalardy kitap álemimen tanystyryp, álemdik bestseller kitaptardy qazaqsha oqýǵa qulshynysyn arttyrmaq nıetpen Steppe&World baspa úıi hospıs mekemeleri men balalar úılerine óz kitaptaryn syılaıdy. Steppe&World baspa úıi - álemdegi eń keremet shyǵarmalardy qazaqshaǵa aýdarý maqsatynda jumys istep jatqan tanymal baspa. Baspa úıi shyǵarǵan kitaptardyń 80%-dan astamy - balalar ádebıeti. Búginge deıin kóptegen kitapty, onyń ishinde áıgili shyǵarma - «Hárrı Potterdi» qazaqshaǵa aýdardy.
«Sábı oqýlary» jobasyna kez kelgen kásipker úles qosa alady. Ol úshin tómendegi nómirge habarlasýǵa bolady. Steppe&World baspa úıi joǵaryda atalǵan mekemelerge aparatyn kitaptar paketin ázirlep beredi.
Ótetin kúni: 13:00, 19-qyrkúıek
Ótetin orny: Lýganskıı kóshesi, 95-úı SOS Shildren's Village Almaty
Baılanys telefony: 87002463530