Memleket basshysy Mastercard kompanıasynyń atqarýshy vıse-prezıdenti Nıkola Vıllany qabyldady
Kezdesý barysynda qarjy sektoryn, IT salasyn damytý, sondaı-aq shaǵyn jáne orta bıznestiń sıfrlyq quzyretin arttyrý baǵyttaryndaǵy yntymaqtastyq perspektıvalary talqylandy, dep habarlaıdy Almaty-akshamy.kz.
Prezıdent Mastercard kompanıasynyń TMD-daǵy, Ortalyq jáne Shyǵys Eýropadaǵy konsaltıńtik baǵytty damytý úshin Almaty qalasyn óńirlik hab retinde tańdaý sheshimin qoldady. Inovasıalyq tólem tehnologıasy salasyndaǵy jahandyq kóshbasshylardyń biri sanalatyn kompanıa búkil Ortalyq Azıa aımaǵy úshin bank sektoryndaǵy bıznes pen adamı kapıtaldy damytýdy josparlap otyr.
Nıkola Vılla Qazaqstannyń GovTech-sheshimderin shetelde, ásirese damýshy jáne qalyptasýshy naryqtarda ilgeriletý jospary týraly baıandady. Onyń aıtýynsha, Qazaqstannyń sıfrlandyrý, elektrondy úkimetti jáne qolma-qol tólemsiz ekonomıkany damytý tájirıbesine Mastercard fılıaldary jumys isteıtin basqa elder erekshe qyzyǵýshylyq tanytýda.
Prezıdentke Mastercard kompanıasynyń Inklúzıvti ósim qory Qazaqstanda Strive baǵdarlamasyn iske qosatyny jóninde málimet berildi. Atalǵan baǵdarlama elimizde bıznesti sıfrlandyrýǵa, 300 myńnan astam shaǵyn jáne orta bıznestiń biliktiligin arttyrýǵa kómek kórsetedi.