2024 jyly Sáken Seıfýllınniń týǵanyna 130 jyl tolady. Osyǵan oraı fılm túsirý josparlanǵan. Bul jaıynda Mádenıet jáne sport mınıstri Asqat Oralov Telegram-paraqshasynda jazdy, dep habarlaıdy Almaty-akshamy.kz.
Mınıstrdiń jazýynsha, ol arnaıy ashylǵan ortalyqta azamattardy qabyldaǵan.
«Kelesi jyly Sáken Seıfýllınniń 130 jyldyǵyn merekeleý taqyryby talqylandy. Akter jáne jazýshy Qanat Júnisov kórnekti jazýshy jáne qoǵam qaıratkerine arnalǵan fılmniń senarıi men operasyn usyndy. Usynys qyzyq. Ásirese, operalyq qoıylym. Biz otandyq avtorlardan spektáklder sanyn kóbeıtýge baǵyt aldyq, sondyqtan bul másele muqıat zertteledi. 2030 jylǵa qaraı qazaqstandyq avtorlardyń qoıylymdarynyń sanyn 600-ge deıin arttyrýdy josparlap otyrmyz», - dedi Asqat Oralov.
Vedomstvo basshysynyń atap ótýinshe, qabyldaý kezinde fılm túsirý jáne erekshe qajettilikteri bar ártisterge arnalǵan konserttik alańdardy usyný úshin qoldanylatyn retro tehnıkany saqtaý máseleleri kóterilgen.
«Men jaýapty komıtetke osy usynystardy egjeı-tegjeıli qarastyrýdy tapsyrdym. Sondaı-aq qabyldaýda ánshi Altynshash Muqataeva boldy. Ol bizdiń mınıstrliktiń qoldaýymen shyǵarmashylyq jolyn jalǵastyrýǵa nıet bildirdi. Biz árqashan erekshe qajettilikteri bar ártisterdiń jáne ınklúzıvti shyǵarmashylyq ujymdardyń ónerin qoldaımyz. Mundaı kezdesýler munymen toqtamaıdy. Budan bólek óńirlerdi aralap, turǵyndarmen eseptik kezdesýler ótkizýdi jalǵastyramyn», - dedi mınıstr.