Almaty polısıasy Saıran kóliniń mańynda joǵalyp ketken 4 jasar balany tapty
“102” púltine 4 jasar Ámirdiń joǵalǵany týraly habar bir kún buryn saǵat 19:15-te kelip túsken, dep habarlaıdy Almaty-akshamy.kz Polisia.kz-ke silteme jasap.
Sábıdiń ákesiniń aıtýynsha, ol býtıkte kóńili aýyp, Ámirdi kózden tasa qylyp alǵan. Táýelsiz izdestirýler nátıje bermegen soń, ol polısıaǵa qońyraý shalǵan. Balany izdestirý úshin PD-nyń aldyńǵy saptaǵy jáne jedel bólimsheleriniń maksımaldy kúshteri: patrúldik polısıa, ýchaskelik ınspektorlar, krımınaldyq jáne ıývenaldy polısıa qyzmetkerleri jumyldyryldy. Kólge jaqyn ornalasqan turǵyn aýdan, bala jylynýǵa bolatyn tamaqtandyrý oryndary, qaraýsyz qalǵan aýmaqtar jáne t.b.tekserildi. Saǵat 21:25 shamasynda polısıa radıoefıri arqyly “Býran-052” patrúldik ekıpajynyń ınspektorlary Erjan Amanbol men Ersin Smaıl “Bala tabyldy, ol tiri!” degen qýanyshty habardy jetkizdi.
«Turǵyn úılerdiń aýlalary men oıyn alańdary nazardan tys qalmady. “Káýsar” turǵyn úı keshenine kirdik. Aýlanyń ortasynda bir bala turdy. Ol abdyrap qalǵan, shamasy, týystaryn nemese úıin izdep kórdi, biraq ol jylamady, ózin jaqsy ustady. Sol kúni keshke óte sýyq boldy. Eń aldymen biz ony jylytyp, jaqyn mańdaǵy dúkennen tiskebasar satyp alyp, ákesine apardyq. Kópshil bala. Sondyqtan da bolar, ákesi basqa jaqqa alańdap ketkende, serýendeýge bel býǵan. Eń bastysy – Ámir aman-esen tabyldy jáne qazir otbasymen birge», – deıdi Erjan Amanjol.