Qazirgi ýaqytta qalada 6 eresek pen 20 bala aýrýhanada jatyr, barlyǵynyń jaǵdaıynyń aýyrlyǵy ortasha.
Jalpy, 27 aqpannan búginge deıin «qyzylsha» dıagnozy 6 eresek pen 67 balada zerthanalyq túrde rastalǵan, dep habarlaıdy Almaty-akshamy.kz.
Emdelip shyqqan jáne stasıonarda emdelip jatqandar arasynda aıaǵy aýyr jáne bosanǵan áıelder tirkelgen joq.
Bul týraly ÓKQ-da ótken brıfıńte Almaty qalasy qoǵamdyq densaýlyq saqtaý basqarmasy basshysynyń orynbasary Nazgúl Imanǵalıeva aıtty.
Sondaı-aq, balalar arasynda qyzylsha aýrýynyń tómendeýine Qazaqstan Respýblıkasy Ulttyq ekpe kúntizbesine sáıkes josparly ımmýndaý ǵana yqpal etetini aıtyldy. Vaksınasıa T-lımfosıtter men antıdenelerdi óndirý arqyly ımýndyq júıeni belsendirýge kómektesedi.
«Ata-analardy tek qyzylshaǵa ǵana emes, qyzamyq pen parotıtke qarsy vaksına alýǵa taǵy bir shaqyramyn. Vaksınasıa 1 jastaǵy balalarǵa jasalady. Bolashaqta turaqty ımýnıtetti saqtap qalý úshin vaksınasıa 6 jasta taǵy bir qaıtalanady. Vaksınasıa turǵylyqty jerińiz boıynsha emhanada jasalady. Halyq arasynda ımýndyq emes qatardyń tómendeýi ǵana halyqtyń bul ınfeksıaǵa beıimdiligin aıtarlyqtaı tómendetedi», - dep atap ótti ol.