Albanıada ótken aýyr atletıkadan jastar arasyndaǵy álem chempıonatynda qazaqstandyq sportshylar 7 altyn, 2 kúmis jáne 1 qola medal jeńip aldy.
Osylaısha, Qazaqstan medaldardyń jalpy sany boıynsha 1-shi orynǵa ıe boldy, dep habarlaıdy Almaty-akshamy,kz Egemen.kz-ke silteme jasap.
Eń joǵary dárejeli medaldardy 73 keli salmaqta óner kórsetken Erasyl Sáýlebekov pen 102 kelige deıingi salmaqta eshkimge teń kelmegen Nıkıta Ábdirahmanov jeńip aldy. Eki sportshy da julqa kóterýde, serpe kóterýde jáne jalpy esepte altynnan alqa taqty. Nurdos Sabyr (89 kelige deıin) men Taısıa Alekseeva (64 kelige deıin) kúmis medal jeńip aldy.
«Men jigitterdi jáne barsha qazaqstandyq jankúıerlerdi osy jetistikpen quttyqtaımyn. Jas ziltemirshilerimizge aldaǵy ýaqytta da tabystar men jarqyn jańa jeńister tileımin. Ulttyq aýyr atletıka mektebi Qazaqstanǵa jańa chempıondardy syılap kele jatqan jattyqtyrýshylarǵa erekshe alǵys aıtamyz», - dep jazdy mınıstr.