Almatyda dronnyń kómegimen shomylýǵa tyıym salynǵan oryndarǵa baqylaý júrgizilýde.
Qurylǵynyń ereksheligi – ol áýeden baqylap qana qoımaı, sonymen qatar munda ruqsat etilmegen bólikterde júzgisi keletin Saıran kóline kelýshilerdi qorqytatyn dınamık te qoldanylady.
«Buryn Saıran kólin patrúldeýdi 109 qutqarý qyzmetiniń qutqarýshylary eki baǵyt boıynsha eki shaǵyn kemelermen júrgizetin, sondaı-aq shaǵyn kemelermen baqylanbaıtyn aýmaqta jaǵalaý syzyǵyn jaıaý patrúldeý júrgizildi. Patrúldeý jıiligi ár 20 mınýt saıyn uzaqtyǵy 40 mınýtqa sozylatyn. Iaǵnı uzaq ýaqyt ketetin. Endi bul ádis patrúldeý úshin resýrstardy tıimdi paıdalanýǵa, shomylýǵa tyıym salynǵan oryndardy tıimdi monıtorıńileýge kómektesedi», – dep atap ótti TJD ókili.
Shomylý maýsymy bastalǵaly beri TJ departamenti, Polısıa departamenti, RJQJ jáne qutqarý qyzmetiniń 109 qutqarýshysy, QR UU 5571 áskerı bólimi, eriktiler 300-den astam birlesken reıd júrgizip, 4,5 myńnan astam jadynama taratqan. QR ÁQBtK-niń 440-baby («alkogóldi ishimdikter ishý nemese qoǵamdyq oryndarǵa masań kúıde kelý») boıynsha ákimshilik jaýapkershilikke 270 myń teńgeden astam somaǵa 19 adam tartyldy. Jyl basynan beri Saıran kólinde eki adam sýǵa batyp, taǵy alty adam qutqaryldy. Kýágerlerdiń aıtýynsha, sýǵa batyp ketken eki adam top bolyp demalyp, artynan ishimdik ishken.