Bıyldan bastap aýyl ákimderin tikeleı halyq saılaıdy.
Elimizde aýyl ákimderin saılaý 25 shildede ótedi. Halyq óz aýylynyń ákimin tańdaý úshin tańǵy saǵat 7:00-den keshki 20:00-ge deıin saılaý ýchaskelerine baryp daýys bere alady. Qazir óńirlerde saıası naýqanǵa daıyndyq jumystary qyzý júrip jatyr, dep habarlaıdy Almaty-akshamy.kz Almaty.tv saıtyna silteme jasap.
Búginde kandıdattardy usyný kezeńi aıaqtalǵan. Máselen, Qyzylorda oblysynda 40 aýyldyq okrýgtyń ákimi tańdalady. Qazir óńir boıynsha 151 úmitker saıası dodada baǵyn synamaq.
«151 kandıdattyń 9-y – áıel, ıaǵnı 5,9% qurap otyr. Eń jas kandıdat 25 jasta. Eń úlkeni 62 jasta. Kandıdattardyń ortasha jasy 41 jasty qurap otyr. Usynylǵan kandıdattardyń mamandyqtar bólinisi boıynsha eń kóbi – muǵalimder»,– dedi oblystyq saılaý komısıasy tóraǵasynyń orynbasary Bolat Nakıpov.
Jalpy, elimizde 2346 aýyldyq okrýg ákimi bolsa, bıyl sonyń shamamen 775-i saılanady. El Prezıdenti Qasym-Jomart Toqaevtyń tapsyrmasyna sáıkes, bıyldan bastap aýyl ákimderin tikeleı halyq saılaıdy. Bul óz kezeginde «Estýshi memleket» qaǵıdatyn júzege asyrýǵa, partıalardyń ókilettikterin keńeıtýge jol ashady.