Sondaı-aq, jazýshy III ECG Eurasian Film Festival aıasynda óz shyǵarmasynyń jelisinde túsirilgen «Balýan Sholaq» fılmi úshin arnaıy dıplommen marapattaldy.
Al jazýshynyń shyǵarmasyndaǵy myqty áıeldiń beınesine qyzyǵýshylyq tanytqan álemniń tórt teatry «Bórte» spektaklin óz sahnalarynda qoımaq, dep habarlaıdy Almaty-akshamy.kz tilshisi.
Jazýshynyń atyna shet elden kelgen hatta avstralıalyq teatr qoıylymdy 2022 jyldyń kókteminde daıyn bolyp, Avstralıada da, Qazaqstanda da laıyqty túrde sahnalanatyndaı etip, odan ári talqylaýǵa daıyn ekendigi aıtylǵan.
Dramatýrg Dýlat Isabekovtiń shyǵarmasyn sahnalaýǵa qyzyǵýshylyq tanytyp otyrǵan teatrlar mynalar:
- Zurich English-Speaking Theatre (Súrıh, Shveısarıa)
- New World Theatre Club (Lúksembýrg)
- Volkstheater (Vena, Avstrıa)
- Vass Productions / Alex Theatre in St Kilda (Melbýrn, Avstralıa).
Taǵy bir qýanyshty jańalyq, jazýshynyń shved tiline aýdarylǵan shyǵarmalar jınaǵy basylyp shyqty. Kitapty shved tiline Nobel syılyǵynyń laýreaty, Shved koróldik Ǵylym akademıasynyń akademıgi, Amerıka ǵylym jáne óner akademıasynyń múshesi Bengt Samýelson aýdarǵan.
Kitaptyń promo-prezentasıasy byltyr Londondaǵy Oebf 2020 ádebı festıvaliniń aıasynda ótken bolatyn. Al resmı tusaýkeserin bıyl Qazaqstannyń Stokgolmdaǵy elshiligimen birlesip ótkizý josparlanyp otyr.