El boıynsha saılaýǵa barlyǵy 10 101 ýchaske iske qosylady.
20 qarashada ótetin prezıdenttik saılaýǵa 10101 ýchaske ázirlendi, onyń ishinde 53 elde 68 saılaý ýchaskesi quryldy. Bul týraly QR Ortalyq saılaý komısıasynyń tóraǵasy Nurlan Ábdirov aıtyp berdi, dep habarlaıdy Almaty-akshamy.kz QazAqparatqa silteme jasap.
«El boıynsha saılaýǵa barlyǵy 10 101 ýchaske iske qosylady, saılaýshylar tizimine 11 950 485 azamat engizildi. 4 qarashadan bastap el turǵyndaryna ózderin tizimnen tekserýge múmkindik berildi. Ýchaskelik komısıalar óz ókilettikteri boıynsha tizimderdegi qateler men dálsizdikter týraly ótinishterdi qaraıdy, olarǵa tıisti ózgerister engizý máselelerin sheshedi. Qazaqstan Respýblıkasynyń shet memleketterdegi ókildikteri janynan 53 elde 68 saılaý ýchaskesi quryldy», - dedi QR OSK tóraǵasy sheteldik dıplomatıalyq korpýs ókilderine arnalǵan brıfıńte.
Onyń aıtýynsha, Ortalyq saılaý komısıasy QR Prezıdentiniń kezekten tys saılaýynda daýys berýge arnalǵan saılaý búlleteniniń mátinin bekitti.
Sondaı-aq, OSK basshylyǵy men músheleri barlyq óńirlerge baryp, aýmaqtyq saılaý komısıalarynyń, ýchaskelik saılaý komısıalarynyń, daýys berýge arnalǵan ýchaskelerdiń daıyndyǵyn, barlyq qajetti ınfraqurylymnyń daıyndyǵyn teksergen.
Aıta keteıik, QR Premer-Mınıstriniń orynbasary – Syrtqy ister mınıstri Muhtar Tileýberdi men Ortalyq saılaý komısıasynyń tóraǵasy Nurlan Ábdirov sheteldik dıplomatıalyq korpýs ókilderine aldaǵy Prezıdent saılaýyna daıyndyq týraly baspasóz máslıhatyn ótkizdi.