Alǵash ret kásibı baǵdar berý aıasynda QR İİM M.Esbolatov atyndaǵy Almaty akademıasy men QR UQK Shekara qyzmeti akademıasynyń qyzmetkerleri birlesip, «AMANAT» partıasy janyndaǵy «Jastar rýhy» jastar qanatynyń «QAISAR» respýblıkalyq áskerı-patrıottyq jobasy boıynsha jastarmen jáne mektep oqýshylarymen kezdesý ótkizdi.
Kezdesýde Arnaıy taktıkalyq kafedrasynyń bastyǵy, polısıa polkovnıgi O.Soı, Ideologıalyq jáne ımıj jumysy bóliminiń bastyǵy, polısıa podpolkovnıgi E.Jaqıanov jáne Kásibı daıarlyq fakúltetiniń oqytýshy-ádiskeri, polısıa aǵa leıtenanty M.Beılqyzy jastarǵa quqyq qorǵaý jáne áskerı qurylymdardyń qyzmeti týraly, vedimistik oqý ornyndaǵy oqýdyń erekshelikteri týraly túsindirdi.
Almatynyń eriktileri men belsendileri jáne oqýshylarymen ótken kezdesýdiń basty maqsaty – áskerı qyzmetke degen patrıottyq sana men qyzyǵýshylyqty qalyptastyrý. Al Ádiletti Qazaqstandy jasaıtyn búgingi jas urpaq. Sondyqtan mundaı kezdesýlerdiń bereri kóp ekeni anyq.